హాలీవుడ్ సినిమాల్లో ఉన్న పలు క్యాటగిరీ చిత్రాల్లో మాన్స్టర్ జానర్ సినిమాలు కూడా ఒకటి. అలా హాలీవుడ్ లో ఇంగ్లీష్ వాళ్ళ నుంచి హిట్ అయ్యిన ఫ్రాంచైజ్ లో “గాడ్జిల్లా” సిరీస్ ఒకటి. అయితే ఇదే గాడ్జిల్లా తో జపాన్ వెర్షన్ కూడా ఎప్పుడు నుంచో ఉంది. అంతే కాకుండా దీనికి కూడా మంచి క్రేజ్ ఉండగా గత ఏడాది వచ్చిన “గాడ్జిల్లా మైనస్ 1” అనే సినిమా అయితే సంచలనమే సృష్టించింది.
ఈ ఏడాది ఆస్కార్స్ లో బెస్ట్ గ్రాఫిక్స్ జాబితాలో ఆస్కార్ ని కూడా గెలిచిన ఈ చిత్రం ప్రపంచ వ్యాప్త ఆడియెన్స్ లో మంచి హాట్ టాపిక్ గా మారింది. అయితే ఈ సినిమా ఓటిటి రిలీజ్ కి కూడా మంచి డిమాండ్ నెలకొనడంతో దాదాపు 6 నెలల తర్వాత ప్రైమ్ వీడియో వారు అది కూడా జపాన్ లోనే రిలీజ్ చేశారు. మరి ఇప్పుడు ఫైనల్ గా మన ఇండియన్ ఆడియెన్స్ కి దిగ్గజ స్ట్రీమింగ్ ప్లాట్ ఫామ్ నెట్ ఫ్లిక్స్ వారు తీసుకొచ్చేసారు.
నేటి నుంచి ఈ చిత్రం మన దేశంలో ఒరిజినల్ జాపనీస్ సహా డబ్బింగ్ వెర్షన్ లు హిందీ ఇంకా తమిళ్ భాషల్లో అందుబాటులోకి తీసుకొచ్చారు. కానీ మన తెలుగు వెర్షన్ ని పెట్టకపోవడం బాధాకరం. సో మన దగ్గర చూడాలి అనుకునేవారు అయితే ఈ భాషల్లో ఈ చిత్రాన్ని నెట్ ఫ్లిక్స్ లో చూడవచ్చు. ఇక ఈ చిత్రంలో ర్యూనోసుకే కమికి, మినామి హమాడే, యుకీ యమడ తదితరులు నటించగా తకాషి యమజకి దర్శకత్వం వహించారు.