కంటెంట్ ఉన్న సినిమాలు చేస్తూ ప్రేక్షకులను ఆకట్టుకుంటున్న నటుడు సుహాస్. కేవలం క్యారెక్టర్ ఆర్టిస్టుగానే కాకుండా, హీరోగా కూడా తన సత్తా చాటాడు ఈ యాక్టర్. ఇక ఇటీవల సుహాస్ వరుసబెట్టి సినిమాలు చేస్తూ ఫుల్ స్పీడుమీదున్నాడు. రీసెంట్‌గా వచ్చిన ‘ప్రసన్నవదనం’ సినిమా ప్రేక్షకులను ఆకట్టుకున్నప్పటికీ, బాక్సాఫీస్ వద్ద అనుకున్నస్థాయిలో విజయాన్ని అందుకోలేకపోయింది. కాగా, ఈ సినిమాకు ఓటీటీలో ప్రేక్షకులు బ్రహ్మరథం పడుతున్నారు.
ప్రముఖ ఓటీటీ ప్లాట్‌ఫాం ఆహాలో స్ట్రీమింగ్ అవుతున్న ‘ప్రసన్నవదనం’ సినిమా ఓటీటీ ఆడియెన్స్‌ను బాగా ఆకట్టుకుంటోంది. ఈ సినిమా ఏకంగా 100 మిలియన్లకు పైగా స్ట్రీమింగ్ మినట్స్ పూర్తి చేసినట్లుగా మేకర్స్ ప్రకటించారు. ఈ సినిమాకు ఓటీటీలో వస్తున్న రెస్పాన్స్‌తో మేకర్స్ సంతోషం వ్యక్తం చేస్తున్నారు.
ఈ సినిమాలో సుహాస్‌తో పాటు పాయల్ రాధాకృష్ణ, రాశి సింగ్, నందు, హర్ష చెముడు, నితిన్ ప్రసన్న తదితరులు కీలక పాత్రల్లో నటించారు. ఈ చిత్రాన్ని వైకె.అర్జున్ డైరెక్ట్ చేయగా.. మణికంఠ, ప్రసాద్ రెడ్డి సంయుక్తంగా ప్రొడ్యూస్ చేశారు.