టాలీవుడ్ హీరో విజయ్ దేవరకొండ వరుస సినిమాలతో బిజీగా ఉన్నారు. చివరిసారిగా ది ఫ్యామిలీ స్టార్ (The Family star) చిత్రంలో కనిపించారు. ఈ చిత్రం బాక్సాఫీస్ వద్ద ఆశించిన ఫలితాన్ని అందుకోలేదు. ఈ చిత్రం డిజిటల్ ప్రీమియర్ గా వచ్చి ఆకట్టుకుంది. ఇప్పుడు ప్రముఖ టీవీ ఛానల్ అయిన స్టార్ మా లో, త్వరలో వరల్డ్ టెలివిజన్ ప్రీమియర్ గా బుల్లితెర ప్రేక్షకుల ముందుకి రానుంది. త్వరలో డేట్ ఫిక్స్ కానుంది.
అయితే ఈ చిత్రంకు ముందు ఖుషీ చిత్రం తో విజయ్ అలరించారు. సమంత హీరోయిన్ గా నటించిన ఈ చిత్రానికి శివ నిర్వాణ దర్శకత్వం వహించారు. మంచి వసూళ్లను రాబట్టిన ఈ చిత్రం ఇంకా టీవీ ప్రీమియర్ గా బుల్లితెర పైకి రాలేదు. మరి ఈ చిత్రం ఎప్పుడు వస్తుందో చూడాలి. విజయ్ దేవరకొండ తదుపరి రాహుల్ సంకృత్యాన్, గౌతమ్ తిన్ననూరి, రవి కిరణ్ కోల లతో సినిమాలు చేస్తున్నారు. ఈ ప్రాజెక్ట్స్ పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.