మక్కల్ సెల్వన్ విజయ్ సేతుపతి ప్రధాన పాత్రలో నటించిన 50వ చిత్రం మహారాజ. ఈ తమిళ సినిమా ప్రస్తుతం తెలుగు నాట దుమ్ము దులుపుతోంది. వైజాగ్ లాంటి చిన్న ఏరియాలో కూడా కోటి రూపాయల కలెక్షన్లను రాబట్టింది. అలాగే, నైజాంలో అయిదున్నర కోట్ల గ్రాస్ వసూళ్లు చేసిందని తెలుస్తోంది. దాదాపు అన్నీ ఏరియాల్లో ఈ సినిమాకి మంచి కలెక్షన్సే వస్తున్నాయి. పైగా కల్కి సినిమా రిలీజ్ రోజు వరకూ ఈ సినిమాకి ఇలాగే భారీగా కలెక్షన్స్ వచ్చే అవకాశం ఉంది.

కాబట్టి, కల్కి వచ్చేవరకు ‘మహారాజ’దే బాక్సాఫీస్ అనుకోవచ్చు. మొత్తానికి ఈ సినిమా జూన్ 14, 2024న థియేటర్ల లో రిలీజ్ అయ్యి ప్రేక్షకులను, అభిమానులని విశేషంగా ఆకట్టుకుంటుంది. కాగా, విజయ్ సేతుప‌తి ముఖ్య పాత్ర‌లో న‌టించిన ఈ సినిమాలో అనురాగ్ క‌శ్య‌ప్, మ‌మ‌తా మోహ‌న్ దాస్, అభిరామి త‌దిత‌రులు ఇత‌ర ముఖ్య పాత్ర‌ల్లో న‌టించారు. మొత్తానికి ఈ సినిమాతో విజ‌య్ సేతుప‌తికి మళ్లీ భారీ హిట్ దక్కింది.