టాలీవుడ్ ఎనర్జిటిక్ స్టార్ రామ్ పోతినేని ప్రధాన పాత్రలో, డాషింగ్ డైరెక్టర్ పూరీ జగన్నాధ్ దర్శకత్వంలో తెరకెక్కుతున్న ఔట్ అండ్ ఔట్ మాస్ యాక్షన్ ఎంటర్టైనర్ డబుల్ ఇస్మార్ట్. సూపర్ హిట్ అయిన ఇస్మార్ట్ శంకర్‌ కి ఈ చిత్రం సీక్వెల్ గా తెరకెక్కుతోంది. కావ్యా థాపర్‌ కథానాయికగా నటిస్తోన్న ఈ చిత్రం టీజర్ ఇటీవల విడుదలై అందరినీ ఆకట్టుకుంది. ఆగస్ట్ 15, 2024 న వరల్డ్ వైడ్ గా థియేటర్ల లోకి రానుంది ఈ చిత్రం. తాజాగా ఈ చిత్రం నుండి ఒక ఇంట్రెస్టింగ్ అప్డేట్ ను మేకర్స్ వెల్లడించారు.
త్వరలో మ్యూజిక్ జాతర లోడింగ్ అంటూ మేకర్స్ ప్రకటించారు. ఇదే విషయాన్ని వెల్లడించడానికి సరికొత్త పోస్టర్ ను విడుదల చేసారు. రామ్ మాస్ మేకోవర్ లో బ్యాక్ పోస్ తో ఉన్న పోస్టర్ అది. ఈ పోస్టర్ ఆడియెన్స్ ను విశేషం గా ఆకట్టుకుంటుంది. బాలీవుడ్ నటుడు సంజయ్ దత్ ఈ చిత్రంలో విలన్ పాత్ర పోషిస్తున్నారు. మెలోడీ బ్రహ్మ మణిశర్మ సంగీతం అందిస్తున్నారు. పూరి కనెక్ట్స్ బ్యానర్‌ పై ఛార్మి కౌర్, పూరీ జగన్నాధ్ నిర్మిస్తున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.