స్టార్ హీరోయిన్ త్రిష ప్ర‌స్తుతం వ‌రుస‌గా సినిమాలు చేస్తూ బిజీగా ఉంది. త‌మిళ, తెలుగు భాషల్లో స్టార్ హీరోల స‌ర‌స‌న ఆమె న‌టిస్తోంది. ఇక తెలుగులో మెగాస్టార్ చిరంజీవి న‌టిస్తున్న విశ్వంభ‌ర మూవీలో త్రిష న‌టిస్తోంది. ఇక త్రిష న‌టించిన బృంద అనే తొలి వెబ్ సిరీస్ పై మేక‌ర్స్ తాజాగా ఓ అప్డేట్ ఇచ్చారు.
బృంద వెబ్ సిరీస్ ను ఆగ‌స్టు 2 నుంచి స్ట్రీమింగ్ చేస్తున్నట్లు వారు ప్ర‌క‌టించారు. ఈ వెబ్ సిరీస్ స‌స్పెన్స్ క్రైమ్ థ్రిల్ల‌ర్ గా రూపొందించారు. సూర్య మ‌నోజ్ వంగ‌ల డైరెక్ట్ చేసిన ఈ వెబ్ సిరీస్ ను ప్ర‌ముఖ ఓటిటి ప్లాట్ ఫామ్ సోని లివ్ లో స్ట్రీమింగ్ చేయ‌నున్నారు.
ఈ వెబ్ సిరీస్ లో ఇంద్రజిత్‌ సుకుమారన్‌, జయప్రకాష్‌, ఆమని, రవీంద్ర విజయ్‌, ఆనంద్‌ సామి, రాకేందు మౌళి త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. ఈ క్రైమ్ థ్రిల్ల‌ర్ వెబ్ సిరీస్ ను తెలుగు, తమిళ్‌, కన్నడ, మలయాళం, మరాఠీ, బెంగాలీ, హిందీ భాషల్లో స్ట్రీమింగ్ చేస్తున్నట్లు మేక‌ర్స్ వెల్ల‌డించారు.