టాలీవుడ్ నవ దళపతి సుధీర్ బాబు హీరోగా మాళవిక శర్మ హీరోయిన్ గా దర్శకుడు జ్ఞ్యాన సాగర్ ద్వారకా తెరకెక్కించిన లేటెస్ట్ గ్యాంగ్ స్టర్ యాక్షన్ డ్రామా “హరోం హర” కోసం అందరికీ తెలిసిందే. మరి ఈ చిత్రం సుధీర్ బాబు వెర్షన్ పుష్ప, కేజీయఫ్ తరహా సినిమాగా రిలీజ్ కి రాగ తన అభిమానులని అలరించింది. అయితే ఈ సినిమా ఓటిటి రిలీజ్ రీసెంట్ గానే ఆహా లో ఫిక్స్ అయ్యిన సంగతి తెలిసిందే.
కానీ దీనికి ముందు ఈ చిత్రం మరో స్ట్రీమింగ్ యాప్ ఈటీవీ విన్ లో కూడా వస్తుంది అని టాక్ వచ్చింది. ఇక ఇప్పుడు దీనిపై అయితే లేటెస్ట్ అఫీషియల్ క్లారిటీ వచ్చేసింది. ఈ సినిమా ఆహా తో పాటుగా ఈటీవీ విన్ లో కూడా ప్రసారానికి రానుంది. మరి ఈ సినిమా ఈ జూలై 11 నుంచి స్ట్రీమింగ్ కి రానుంది. సో రెండిటిలో కూడా ఈ చిత్రాన్ని చూడవచ్చు. ఇక ఈ చిత్రానికి చైతన్ భరద్వాజ్ సంగీతం అందించగా శ్రీ సుబ్రహ్మణ్యేశ్వర సినిమాస్ వారు నిర్మాణం వహించారు.