కింగ్ అక్కినేని నాగార్జున ప్ర‌స్తుతం ద‌ర్శ‌కుడు శేఖ‌ర్ క‌మ్ముల డైరెక్ష‌న్ లో ‘కుబేర’ అనే సినిమాలో నటిస్తున్నాడు. ఆయ‌న నటించిన లాస్ట్ మూవీ ”నా సామిరంగ” సంక్రాంతి కానుక‌గా థియేట‌ర్లలో రిలీజ్ అయ్యి మిక్సిడ్ టాక్ ను తెచ్చుకుంది. ఇక ఇప్పుడు ఈ సినిమా మ‌రోసారి వార్తల్లో నిలిచింది.

”నా సామిరంగ” హిందీ వెర్ష‌న్ లో ఓటిటి స్ట్రీమింగ్, టీవీ ప్రీమియ‌ర్ డేట్ల‌ను ఫిక్స్ చేసుకుంది. హిందీ ఆడియెన్స్ ను మెప్పించేందుకు ఈ సినిమా క‌ల‌ర్స్ సినీప్లెక్స్ టీవీ ఛాన‌ల్ మ‌రియు జియో సినిమా ఓటిటి ప్లాట్ ఫామ్ ల‌పైకి జూలై 23న‌ రానుంది. ఈ సినిమా నార్త్ ఆడియెన్స్ ను ఆకట్టుకోవ‌డం ఖాయ‌మ‌ని అభిమానులు ఆశిస్తున్నారు.

ఇక ఈ సినిమాలో అషికా రాంగ‌నాథ్ హీరోయిన్ గా న‌టించ‌గా అల్ల‌రి న‌రేశ్, రాజ్ త‌రుణ్, మిర్నా మీన‌న్, రుక్స‌ర్ ధిల్లాన్ త‌దిత‌రులు ఇత‌ర ముఖ్య పాత్ర‌ల్లో న‌టించారు. ఈ సినిమాను విజ‌య్ బిన్ని పూర్తి రూర‌ల్ యాక్ష‌న్ డ్రామా మూవీగా తెర‌కెక్కించారు.