రెబ‌ల్ స్టార్ ప్ర‌భాస్ న‌టించిన లేటెస్ట్ సెన్సేష‌న‌ల్ మూవీ ”క‌ల్కి 2898 AD” ఇండియ‌న్ బాక్సాఫీస్ ను షేక్ చేసింది. మైథ‌లాజి, సైన్స్ ఫిక్ష‌న్ క‌ల‌యిక‌లో వచ్చిన ఈ విజువ‌ల్ ట్రీట్ మూవీని ద‌ర్శ‌కుడు నాగ్ అశ్విన్ హ్యాండిల్ చేసిన తీరుకు ప్రేక్ష‌కులు థియేట‌ర్ల‌కు క్యూ క‌ట్టారు. ఇక ఈ సినిమాలోని కాన్సెప్ట్ వారికి బాగా నచ్చేయ‌డంతో, రిపీటెడ్ ఆడియెన్స్ తో క‌ల్కి థియేట‌ర్లు కిక్కిరిసిపోయాయి.

ఈ సినిమాలో మ‌హాభార‌త యుద్ధానికి సంబంధించిన అంశాల‌ను ద‌ర్శకుడు నాగ్ అశ్విన్ అత్య‌ద్భుతంగా చూపెట్ట‌డంతో అభిమానులు ఫిదా అయ్యారు. ఇక క‌ల్కి సినిమా క్లైమాక్స్ లో ప్ర‌భాస్ క‌ర్ణ పాత్ర‌లో క‌నిపించ‌డంతో వారి సంతోషానికి అవ‌ధులు లేకుండా పోయాయి. కాగా, ఈ మూవీ ప్ర‌పంచ‌వ్యాప్తంగా ఏకంగా రూ.1000 కోట్ల‌కు పైగా వ‌సూళ్లు సాధించి చ‌రిత్ర సృష్టించింది.

దీంతో చిత్ర యూనిట్, ఈ ఆనందాన్ని అభిమానుల‌తో పంచుకున్నారు. తాజాగా కల్కి సినిమాలో శ్రీ‌కృష్ణుడు క‌ర్ణ పాత్ర‌ను ప‌రిచ‌యం చేసే గూస్ బంప్స్ సీన్ వీడియోను మేక‌ర్స్ రిలీజ్ చేశారు. ”త‌న పేరు చ‌రిత్ర మ‌ర్చిపోదు.. సూర్య‌పుత్ర వైక‌ర్త‌న‌.. క‌ర్ణ‌..” అంటూ సాగే ఈ సీన్ ప్రేక్ష‌కుల‌కు గూస్ బంప్స్ తెప్పిస్తోంది. ఇక ఈ సినిమాలో అమితాబ్ బ‌చ్చ‌న్, క‌మ‌ల్ హాస‌న్, దీపిక ప‌దుకొనె, దిశా ప‌టాని త‌దిత‌రులు ఇత‌ర ముఖ్య పాత్ర‌ల్లో న‌టించారు.

వీడియో కోసం ఇక్క‌డ క్లిక్ చేయండి