ప్రస్తుతం గ్లోబల్ స్టార్ రామ్ చరణ్ (Ram Charan) హీరోగా మావెరిక్ దర్శకుడు శంకర్ తెరకెక్కించిన అవైటెడ్ భారీ చిత్రం “గేమ్ ఛేంజర్” కోసం అందరికీ తెలిసిందే. రామ్ చరణ్ అలాగే శంకర్ ల కెరీర్ లో 15వ సినిమా ఇది కాగా ఇద్దరికీ ఇది స్పెషల్ ప్రాజెక్ట్ గా నిలిచింది. అయితే ఈ సినిమా విషయంలో ఇప్పుడు ఫ్యాన్స్ లో కొందరు టెన్షన్ గాను మరికొందరు ఇంకా శంకర్ విజన్ ని బలంగా నమ్ముతున్నారు.
అయితే దర్శకుడు శంకర్ నుంచి లేటెస్ట్ గా వచ్చిన చిత్రం “భారతీయుడు 2” (Bharateeyudu 2) లో కొంచెం ల్యాగ్ ఉందని కామెంట్స్ వచ్చాయి కానీ శంకర్ తీసుకున్న పాయింట్ కోసం కానీ తాను చూపించిన పలు యాక్షన్ సీక్వెన్స్ ల కోసం కానీ ఎలాంటి కామెంట్స్ రాలేదు. నిజానికి ఈ సినిమాలో కూడా కమల్ తో మైండ్ బ్లాకింగ్ అండ్ తన మార్క్ యాక్షన్ సీక్వెన్స్ లని శంకర్ చూపించి ట్రీట్ ఇచ్చారు.
మరి ఈ సినిమాకే ఇలా ఉంటే మిస్టర్ బాక్సాఫీస్ మెగాపవర్ స్టార్ రామ్ చరణ్ పై గేమ్ ఛేంజర్ లో ఫైట్ సీన్స్ ఏ లెవెల్లో ఉంటాయో అర్ధం చేసుకోవచ్చు. దీనితో శంకర్ ని ఇంకా చాలా మంది నమ్మడంలో తప్పు లేదని చెప్పవచ్చు. అంతే కాకుండా కార్తీక్ సుబ్బరాజ్ (Karthik Subbaraj) కథపై కూడా చాలా నమ్మకంగానే ఫ్యాన్స్ ఉన్నారు.
ఇలా చరణ్ తో శంకర్ మార్క్ విజువల్స్ అండ్ యాక్షన్ ఎపిసోడ్స్ తో గేమ్ ఛేంజర్ భారీ ట్రీట్ ఇస్తుంది అని ఇప్పటికీ చాలా మంది నమ్ముతున్నారు. మరి ఆ రేంజ్ లో శంకర్ తన బ్రాండ్ ని తెలుగు ఆడియెన్స్ లో సెట్ చేసుకున్నారని చెప్పాలి. ఇక ఈ భారీ సినిమాని దిల్ రాజు నిర్మాణం వహించగా ఈ ఏడాది డిసెంబర్ లో సినిమాని రిలీజ్ ప్లాన్ చేస్తున్నట్టుగా తెలుస్తుంది.