జూన్ 27, 2024 న వరల్డ్ వైడ్ గా థియేటర్లలో రిలీజ్ అయిన మైథాలజీ సైన్స్ ఫిక్షన్ మూవీ కల్కి 2898ఎడి. ఈ చిత్రం వెయ్యి కోట్ల క్లబ్ లో చేరి సెన్సేషన్ క్రియేట్ చేయడం జరిగింది. ఈ చిత్రం ఇప్పుడు అప్పుడే స్లో అయ్యే అవకాశాలు కనిపించడం లేదు. లాంగ్ రన్ లో మరింత వసూళ్లను రాబట్టడం ఖాయం. పాన్ ఇండియా స్టార్ హీరో ప్రభాస్ నటించిన ఈ చిత్రానికి టాలెంటెడ్ డైరెక్టర్ నాగ్ అశ్విన్ దర్శకత్వం వహించారు. బాలీవుడ్ బ్యూటీ దీపికా పదుకునే, దిశా పటాని లు ఫీమేల్ లీడ్ రోల్స్ లో నటించగా, యూనివర్సల్ స్టార్ హీరో కమల్ హాసన్, బాలీవుడ్ మెగాస్టార్ అమితాబ్ బచ్చన్ లు ఈ బిగ్గీ లో కీలక పాత్రల్లో కనిపించారు.
అయితే ఈ కల్కి చిత్రం టాలీవుడ్ లో ఒక క్రేజీ టార్గెట్ ను సెట్ చేసింది అని చెప్పాలి. ఇప్పటి వరకూ బాహుబలి 2 మరియు ఆర్ఆర్ఆర్ చిత్రాలు మాత్రమే 1000 కోట్ల క్లబ్ లో ఉన్నాయి. కల్కి రాకతో, ఇప్పుడు రెండు వెయ్యి కోట్ల రూపాయల వసూలు చేసిన వన్ అండ్ ఓన్లీ హీరో గా ప్రభాస్ నిలిచాడు. రామ్ చరణ్ మరియు ఎన్టీఆర్ లు ఆర్ఆర్ఆర్ చిత్రంతో వెయ్యి కోట్ల క్లబ్ లో ఉన్నారు. ప్రభాస్ రికార్డు ను బ్రేక్ చేసే హీరో ఎవరై ఉండనున్నారు అని అంతా ఎంతో ఆసక్తిగా ఎదురుచూస్తున్నారు. మరొక పక్క ఇండియా లోనే వెయ్యి కోట్ల చిత్రాలు ఎక్కువగా అందించిన ఇండస్ట్రీ గా టాలీవుడ్ నిలిచింది. తర్వాత ఏ చిత్రం ఈ ఫీట్ ను సాధిస్తుందో చూడాలి.