రెబ‌ల్ స్టార్ ప్ర‌భాస్ లేటెస్ట్ సెన్సేష‌న్ ‘క‌ల్కి 2898 AD’ ఇండియ‌న్ బాక్సాఫీస్ ను షేక్ చేస్తోంది. ఇప్ప‌టికే వెయ్యి కోట్ల‌కు పైగా వ‌సూళ్ల‌తో ప్ర‌భంజ‌నం సృష్టించిన ఈ గ్రాండ్ విజువల్ వండ‌ర్ మూవీని ప్రేక్ష‌కులు రిపీట్ మోడ్ లో చూస్తున్నారు. కాగా, ఈ సినిమా ప్రాంతాల వారీగా కూడా ప‌లు రికార్డుల‌ను క్రియేట్ చేస్తూ దూసుకెళ్తోంది.

సీడెడ్ ఏరియాలో క‌ల్కి మూవీ రూ.20 కోట్ల షేర్ వ‌సూళ్లు రాబ‌ట్టిన‌ట్లుగా ట్రేడ్ వ‌ర్గాలు చెబుతున్నాయి. దీంతో ఈ ఏరియాలో బ్యాక్ టు బ్యాక్ రూ.20 కోట్ల షేర్ వ‌సూళ్లు రాబ‌ట్టిన హీరోగా ప్ర‌భాస్ స‌త్తా చాటాడు. ఇక ఏకంగా నాలుగు సినిమాలతో ప్ర‌భాస్ రూ.20 కోట్ల షేర్ వ‌సూళ్లు రాబ‌ట్టి రికార్డు క్రియేట్ చేశాడు.

బాహుబ‌లి, బాహుబ‌లి-2, స‌లార్, క‌ల్కి 2898 AD సినిమాలు సీడెడ్ లో ఈ ఫీట్ సాధించాయి. నాగ్ అశ్విన్ తెర‌కెక్కించిన క‌ల్కి 2898 AD మూవీని స్టార్ ప్రొడ్యూస‌ర్ సి.అశ్వినీద‌త్ ప్రొడ్యూస్ చేయ‌గా సంతోష్ నారాయ‌ణ‌న్ సంగీతం అందించారు. ఇక ఈ సినిమాలో అమితాబ్ బ‌చ్చ‌న్, క‌మ‌ల్ హాసన్, దీపికా ప‌దుకొనె, దిశా ప‌టానీ ఇత‌ర ముఖ్య పాత్ర‌ల్లో న‌టించారు.