టాలీవుడ్ యంగ్ హీరో కిరణ్ అబ్బవరం సినిమాలకు కాస్త గ్యాప్ ఇచ్చిన సంగతి తెలిసిందే. ఈ హీరో ఇప్పుడు క అనే పాన్ ఇండియా మూవీతో ప్రేక్షకులను అలరించడానికి రెడీ అవుతున్నారు. ఈ చిత్రం టైటిల్ అనౌన్స్ మెంట్ తోనే అందరినీ ఆకట్టుకుంది. తాజాగా ఈ చిత్రం టీజర్ ను రిలీజ్ చేయగా, మంచి రెస్పాన్స్ తో దూసుకు పోతుంది. అయితే ఈ సందర్భం గా హీరో కిరణ్ అబ్బవరం మీడియాతో మాట్లాడారు.

ఈ కార్యక్రమంలో పలు ఆసక్తికర వ్యాఖ్యలు చేశారు. పవన్ కళ్యాణ్ లాంటి హీరోలే పాన్ ఇండియా సినిమాలు చేయడం లేదు అని ఒక విలేఖరి అనగా, అందుకు సాలిడ్ స్టేట్మెంట్ ఇచ్చారు. పవన్ కళ్యాణ్ గారు అనుకుంటే చేయగలరు అని పేర్కొన్నారు. అంతేకాక తన స్థాయి అంటే కంటెంట్ అని అన్నారు. మలయాళం లో ఇటీవల హిట్ అయిన మంజుమ్మల్ బాయ్స్, కాంతార చిత్రాలు కంటెంట్ తోనే హిట్ అయ్యాయి అని అన్నారు. కంటెంట్ ఉంటే సినిమా కచ్చితం గా సక్సెస్ సాధిస్తుంది అని అన్నారు. కిరణ్ అబ్బవరం చేసిన ఈ కామెంట్స్ సోషల్ మీడియాలో వైరల్ అవుతున్నాయి.

క సినిమాలో కిర‌ణ్ అబ్బ‌వ‌రం తాన్వి రామ్, న‌య‌న్ సారిక ఫీమేల్ లీడ్ రోల్స్ లో నటిస్తుండగా, సుజిత్, సందీప్ లు దర్శకత్వం వహిస్తున్నారు. ఈ భారీ బడ్జెట్ మూవీకి సామ్ సిఎస్ సంగీతం అందిస్తున్నారు.