తేజ సజ్జ “హనుమాన్” తర్వాత చేస్తున్న మరో క్రేజీ ప్రాజెక్ట్ “మిరాయ్”. దర్శకుడు కార్తీక్ ఘట్టమనేని తెరకెక్కిస్తున్న ఈ సినిమాలో రాకింగ్ స్టార్ మంచు మనోజ్ నటిస్తున్న సంగతి తెలిసిందే. ఐతే, ఈ సినిమా పై అనేక ఇంట్రెస్టింగ్ రూమర్స్ వినిపిస్తూనే ఉన్నాయి. తాజాగా మనోజ్ పాత్ర పై ఓ గాసిప్ వినిపిస్తోంది. ఈ సినిమా మొత్తం మనోజ్ క్యారెక్టర్ చుట్టే తిరుగుతుందని.. పైగా మనోజ్ పాత్ర చాలా వైల్డ్ గా ఉంటుందని.. అందుకే ఈ పాత్రను కార్తీక్ ఘట్టమనేని చాలా బలంగా డిజైన్ చేశాడని టాక్.
మరి ఈ సినిమాతోనైనా మంచు మనోజ్ కెరీర్ మళ్లీ ట్రాక్ లోకి వస్తోందేమో చూడాలి. ఆ మధ్య మనోజ్ పుట్టినరోజు సందర్భంగా ఓ గ్లింప్స్ వీడియో రిలీజ్ చేసిన సంగతి తెలిసిందే. ఆ గ్లింప్స్ లో సాలిడ్ యాక్షన్ లుక్ లో.. కత్తి పట్టుకొని “ది బ్లాక్ స్వార్డ్” గా మనోజ్ హైలైట్ అయ్యాడు. మొత్తానికి ఆ గ్లింప్స్ చాలా బాగా ఆకట్టుకుంటుంది. అందుకే, మనోజ్ కూడా ఈ సినిమా పై భారీగా అంచనాలు పెట్టుకున్నాడు. అన్నట్టు ఈ చిత్రానికి గౌర హరీష్ నే సంగీతం అందిస్తుండగా పీపుల్ మీడియా ఫ్యాక్టరీ వారు నిర్మాణం వహిస్తున్నారు.