పాన్ ఇండియా స్టార్ ప్రభాస్ హీరోగా నటించిన రీసెంట్ చిత్రం “కల్కి 2898 ఎడి” (Kalki 2898 AD) తో భారీ వసూళ్లు అందుకున్న సంగతి తెలిసిందే. ఇక ఈ సినిమా తర్వాత మరిన్ని భారీ చిత్రాలు తన నుంచి లైనప్ లో ఉండగా ఆ సినిమాల్లో దర్శకుడు మారుతీతో చేస్తున్న భారీ చిత్రం “ది రాజా సాబ్” కూడా ఒకటి. మరి ఈ చిత్రం ఒక హారర్ ఎంటర్టైనర్ గా ప్లాన్ చేస్తోండగా మళ్ళీ ఈ సినిమాతో వింటేజ్ ప్రభాస్ ని చూస్తారని మేకర్స్ ముందు నుంచీ చెబుతున్నారు.
అయితే ఈ క్రేజీ ఎంటర్టైనర్ లో బాలీవుడ్ బిగ్ అమితాబ్ ఎవర్ గ్రీన్ హిట్ సాంగ్ ‘ఓ కైకే పాన్ బనారస్ వాలా’ ని రీమిక్స్ చేస్తున్నారని, థమన్ దీనిని తన స్టైల్ తో అదరగొడుతున్నాడు ప్రభాస్ మాస్ స్టెప్పులు వేస్తాడు అంటూ కొన్ని రూమర్స్ ఇప్పుడు వైరల్ గా మారాయి. కానీ దీనిపై అసలు క్లారిటీ బయటకి వచ్చింది. ఈ వార్తల్లో ఎలాంటి నిజం లేదు తప్పుడు సమాచారం అంటూ నిర్మాత, మారుతికి మంచి ఫ్రెండ్ అయినటువంటి ఎస్ కె ఎన్ సోషల్ మీడియాలో క్లారిటీ ఇచ్చారు. సో ఆ వార్తల్లో నిజం లేదని తేలిపోయింది.
Wrong information
— SKN (Sreenivasa Kumar) (@SKNonline) July 15, 2024