నేచుర‌ల్ స్టార్ నాని ప్ర‌స్తుతం ‘స‌రిపోదా శ‌నివారం’ చిత్రాన్ని రిలీజ్ కు రెడీ చేశాడు. ఈ సినిమాను ద‌ర్శ‌కుడు వివేక్ ఆత్రేయ పూర్తి రొమాంటిక్ ఎంట‌ర్టైన‌ర్ గా తీర్చిదిద్ద‌డంతో, ఈ సినిమాను ఎప్పుడెప్పుడు చూద్దామా అని ఆడియెన్స్ ఆసక్తిగా చూస్తున్నారు. ఇక ఈ సినిమాలో అందాల భామ ప్రియాంక మోహ‌న్ న‌టిస్తుండ‌టంతో వీరి కాంబినేష‌న్ ను తెర‌పై చూసేందుకు ఫ్యాన్స్ ఆతృత‌గా ఉన్నారు.
ఈ సినిమా త‌రువాత నాని త‌న నెక్ట్స్ ప్రాజెక్టుల‌ను ఇప్ప‌టికే లైన్ లో పెడుతున్నాడు. వీటిలో ద‌ర్శ‌కుడు శైలేష్ కొల‌నుతో ‘హిట్-3’ ఉండ‌గా.. నాని కెరీర్ లో ‘ద‌స‌రా’ వంటి బ్లాక్ బ‌స్ట‌ర్ హిట్ అందించిన శ్రీ‌కాంత్ ఓదెల‌తో ఓ సినిమా కూడా ఉంది. అయితే, శ్రీ‌కాంత్ ఓదెల‌తో నాని చేయ‌బోయే సినిమా గురించి తాజాగా ఓ వార్త నెట్టింట చ‌క్క‌ర్లు కొడుతోంది.
నాని కోసం మ‌రోసారి పూర్తి మాస్ యాక్ష‌న్ ఎంట‌ర్టైన‌ర్ క‌థ‌ను రెడీ చేసిన శ్రీ‌కాంత్ ఓదెల, ఈ సినిమాలో హీరోయిన్ గా బాలీవుడ్ యంగ్ సెన్సేష‌న్ జాన్వీ క‌పూర్ ను ఓకే చేసిన‌ట్లుగా వార్తలు వ‌స్తున్నాయి. టాలీవుడ్ లో ఇప్ప‌టికే దేవ‌ర, RC16 ప్రాజెక్టుల‌తో బిజీగా ఉన్న జాన్వీ, నాని స‌ర‌స‌న న‌టించేందుకు ఓకే చేసింద‌నే టాక్ అభిమానుల్లో రెట్టింపు ఆస‌క్తిని క్రియేట్ చేస్తోంది. ఈ సినిమాను సుధాక‌ర్ చెరుకూరి ప్రొడ్యూస్ చేయ‌నున్నారు. మరి నిజంగానే నాని స‌ర‌స‌న జాన్వీ న‌టిస్తుందా లేదా అనేది తెలియాల్సి ఉంది.