అల్ల‌రి న‌రేశ్ హీరోగా న‌టిస్తున్న తాజా చిత్రం ‘బచ్చల మల్లి’ ఇప్ప‌టికే ప్రేక్ష‌కుల్లో మంచి బ‌జ్ ను క్రియేట్ చేసింది. ఈ సినిమాలో అల్ల‌రి న‌రేశ్ మరోసారి సీరియ‌స్ పాత్ర‌లో న‌టిస్తుండ‌టంతో ఈ సినిమాను చూసేందుకు అభిమానులు ఆస‌క్తిని చూపుతున్నారు. ఇక ఈ సినిమాను సుబ్బు మంగ‌దేవి డైరెక్ట్ చేస్తున్నాడు.
ఈ సినిమా నుండి తాజాగా ఫ‌స్ట్ సింగిల్ సాంగ్ ”మా ఊరి జాతరలో” రిలీజ్ చేశారు మేక‌ర్స్. విశాల్ చంద్ర‌శేఖ‌ర్ సంగీతం అందిస్తున్న ఈ పాట ప్యూర్ ఫోక్ మెలోడిగా ప్రేక్ష‌కుల‌ను ఆక‌ట్టుకుంటోంది. ఈ పాట‌ను గౌర‌హ‌రి, సింధూరి విశాల్ లు పాడారు. అర్ధ‌వంత‌మైన లిరిక్స్, ఆక‌ట్టుకునే ట్యూన్ తో ఈ పాట ఇంప్రెస్ చేస్తోంది.
ఇక ఈ సినిమాలో అందాల భామ అమృత అయ్య‌ర్ హీరోయిన్ గా నటిస్తోండ‌గా హ‌రితేజ, రావు ర‌మేష్ త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. ఈ సినిమాను హాస్య మూవీస్ బ్యాన‌ర్ పై రాజేష్ దండ ప్రొడ్యూస్ చేస్తున్నారు. సెప్టెంబ‌ర్ లో ఈ సినిమాను రిలీజ్ చేసేందుకు మేక‌ర్స్ సిద్ధ‌మ‌వుతున్నారు.
వీడియో కోసం ఇక్క‌డ క్లిక్ చేయండి