బాలీవుడ్ కింగ్ ఖాన్ షారుఖ్ ఖాన్ ప్ర‌స్తుతం త‌న నెక్ట్స్ ప్రాజెక్ట్ ను ప‌ట్టాలెక్కించేందుకు సిద్ధ‌మ‌వుతున్నాడు. సుజ‌య్ ఘోష్ డైరెక్ష‌న్ లో ”కింగ్” అనే సినిమాలో షారుఖ్ న‌టించ‌నున్నాడు. ఈ సినిమా షూటింగ్ ను త్వ‌ర‌లోనే ప్రారంభించేందుకు మేక‌ర్స్ రెడీ అవుతున్నారు. ఇక ఈ సినిమాలో విల‌న్ పాత్ర‌లో ఎవ‌రు న‌టిస్తారా అనే ఆస‌క్తికి తెర‌దించారు బిగ్ బి అమితాబ్ బ‌చ్చ‌న్.

‘కింగ్” మూవీలో షారుఖ్ ఖాన్ ను ఢీకొనే విల‌న్ పాత్ర‌కు ప‌లువురు స్టార్స్ పేర్లు వినిపించాయి. అయితే, అభిషేక్ బ‌చ్చ‌న్ ఈ సినిమాలో విల‌న్ పాత్ర‌లో న‌టిస్తున్నార‌ని.. ఆయ‌న‌కు ఆల్ ది బెస్ట్ చెబుతూ అమితాబ్ బ‌చ్చ‌న్ త‌న సోషల్ మీడియా అకౌంట్ లో పోస్ట్ చేశారు.

దాదాపు ద‌శాబ్ద కాలం త‌రువాత షారుఖ్, అభిషేక్ క‌లిసి న‌టించనున్నారు. దీంతో అభిమానుల్లో ఈ సినిమాపై అప్పుడే అంచ‌నాలు ఏర్ప‌డ్డాయి. ఇక ఈ సినిమాలో సుహానా ఖాన్, ఫ‌హీమ్ ఫాజిల్ ఇత‌ర ముఖ్య పాత్ర‌ల్లో న‌టిస్తున్నారు. సిద్ధార్థ్ ఆనంద్, గౌరీ ఖాన్ లు సంయుక్తంగా ఈ సినిమాను ప్రొడ్యూస్ చేయ‌నున్నారు.

all the best Abhishek .. It is TIME !!! https://t.co/LI6F7gZ1b0

— Amitabh Bachchan (@SrBachchan) July 16, 2024