రెబల్ స్టార్ ప్రభాస్ హీరోగా నటించిన మైథాలజీ సైన్స్ ఫిక్షన్ మూవీ కల్కి 2898ఎడి. ఈ చిత్రం బాక్సాఫీస్ వద్ద భారీ వసూళ్లతో దూసుకు పోతుంది. వెయ్యి కోట్ల క్లబ్ లో చేరిన ఈ చిత్రం ఇంకా ఆదరణ ఏ మాత్రం తగ్గలేదు. అయితే ఈ చిత్రంలో ప్రభాస్ ను కర్ణ గా చూపించడంతో సౌత్ లో మాత్రమే కాకుండా, వరల్డ్ వైడ్ గా సినిమా పై మరింత క్యూటీయసిటీ అనేది క్రియేట్ అయ్యేది. ఇప్పుడు మైథాలజీ కాన్సెప్ట్ చిత్రాలకు కల్కి దిశా నిర్దేశం చేసింది అని చెప్పాలి.
టాలీవుడ్ లో వరుసగా ఇలాంటి చిత్రాలు రాబోతున్నాయి. అశోక్ గల్లా హీరోగా నటించిన దేవకీ నందన వాసుదేవ్ చిత్రం కూడా ఇదే కోవలోకి రానుంది. ఈ చిత్రంలో కృష్ణుడు రోల్ ఉండనుంది అని తెలుస్తుంది. హను మాన్ ఫేమ్ డైరెక్టర్ ప్రశాంత్ వర్మ ఈ చిత్రానికి కథ అందించడం మాత్రమే కాకుండా, స్క్రీన్ ప్లే కూడా అందిస్తున్నారు. అర్జున్ జంధ్యాల దర్శకత్వంలో తెరకెక్కుతున్న ఈ చిత్రానికి భీమ్స్ సిసిరోలియో సంగీతం అందిస్తున్నారు. పోస్ట్ ప్రొడక్షన్ కార్యక్రమాలు శరవేగంగా జరుగుతున్న ఈ చిత్రం వచ్చే నెలలో రిలీజ్ కానుంది. ఈ చిత్రంతో పాటుగా ఇంకెన్ని చిత్రాలు ఈ కాన్సెప్ట్ తో వస్తాయో చూడాలి.