కోలీవుడ్ స్టార్ హీరో ధనుష్ ప్రధాన పాత్రలో నటిస్తూ, దర్శకత్వం వహిస్తున్న లేటెస్ట్ మూవీ రాయన్. జూలై 26, 2024 న వరల్డ్ వైడ్ గా థియేటర్ల లో రిలీజ్ కి రెడీ అయిపోయిన ఈ చిత్రం పై ప్రేక్షకుల్లో, అభిమానుల్లో ఆసక్తి నెలకొంది. ఈ చిత్రం నుండి రిలీజైన ప్రచార చిత్రాలకి ఇప్పటికే మంచి రెస్పాన్స్ వచ్చింది. తాజాగా మేకర్స్ ట్రైలర్ ను విడుదల చేయడం జరిగింది. ట్రైలర్ ఆద్యంతం ఆసక్తికరంగా సాగింది. ధనుష్ మరో డిఫెరెంట్ కాన్సెప్ట్ తో ఫ్యాన్స్ ను అలరించడానికి రెడీ అయినట్లు ట్రైలర్ ను చూస్తే తెలుస్తుంది.
ట్రైలర్ మొత్తం కూడా యాక్షన్ ఎపిసోడ్స్ తో నిండి ఉంది. సింహం, పులి కంటే కూడా తోడేలు అడవిలో ప్రమాదకరమైన జంతువు అంటూ వచ్చిన డైలాగ్స్ బాగున్నాయి. ధనుష్ తన 50 వ చిత్రానికి నట విశ్వరూపం చూపించినట్లు ట్రైలర్ ను చూస్తే తెలుస్తుంది. ఈ చిత్రంలో ఎస్.జే.సూర్య, ప్రకాష్ రాజ్, సెల్వ రాఘవన్, సందీప్ కిషన్, కాళిదాస్, జయరామ్, దుషరా విజయన్, అపర్ణ బాలమురళీ, వరలక్ష్మి శరత్ కుమార్, శరవణన్ తదితరులు ఇందులో ముఖ్య పాత్రల్లో కనిపించనున్నారు. సన్ పిక్చర్స్ పతాకంపై భారీ బడ్జెట్ తో నిర్మిస్తున్న ఈ చిత్రానికి ఆస్కార్ అవార్డు విన్నర్ రెహమాన్ సంగీతం అందిస్తున్నారు. ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
వీడియో కోసం ఇక్కడ క్లిక్ చెయ్యండి