మాస్ రాజా ర‌వితేజ న‌టిస్తున్న తాజా చిత్రం ‘మిస్ట‌ర్ బ‌చ్చ‌న్’ ఇప్ప‌టికే షూటింగ్ ప‌నులు ముగించుకుని పోస్ట్ ప్రొడ‌క్ష‌న్ ప‌నుల్లో బిజీగా ఉంది. ఈ సినిమాను ద‌ర్శ‌కుడు హరీష్ శంక‌ర్ డైరెక్ట్ చేస్తుండటంతో ఈ సినిమాపై ప్రేక్ష‌కుల్లో సాలిడ్ బ‌జ్ క్రియేట్ అయ్యింది. ఇక ఈ సినిమాకు సంబంధించిన డ‌బ్బింగ్ ప‌నుల్లో చిత్ర యూనిట్ బిజీగా ఉంది.

తాజాగా ఈ సినిమాలో విల‌న్ పాత్ర‌లో నటిస్తున్న జ‌గ‌ప‌తి బాబు డ‌బ్బింగ్ లో బిజీగా ఉన్నారు. దీనికి సంబంధించి ద‌ర్శకుడు హ‌రీష్ శంక‌ర్ సోష‌ల్ మీడియాలో ఓ పోస్ట్ చేశారు. ”ప‌వ‌ర్ఫుల్ మెన్ క‌మ్ విత్ ప‌వ‌ర్ఫుల్ వాయిసెస్” అంటూ జ‌గ‌ప‌తి బాబును ట్యాగ్ చేశారు. ఇక ఈ పోస్ట్ ను అభిమానులు నెట్టింట తెగ షేర్ చేస్తున్నారు.

ఈ సినిమాలో అందాల భామ భాగ్య‌శ్రీ బొర్సె హీరోయిన్ గా న‌టిస్తోండ‌గా, మిక్కీ జే మేయ‌ర్ ఈ సినిమాకు సంగీతం అందిస్తున్నారు. ఈ చిత్రాన్ని పీపుల్ మీడియా ఫ్యాక్ట‌రీపై టిజి.విశ్వ‌ప్ర‌సాద్ ప్రొడ్యూస్ చేస్తున్నారు.