పాన్ ఇండియా స్టార్ హీరో ప్రభాస్ (Prabhas) ప్రధాన పాత్రలో, టాలెంటెడ్ డైరెక్టర్ నాగ్ అశ్విన్ (Nag ashwin) దర్శకత్వంలో తెరకెక్కిన మైథాలజీ సైన్స్ ఫిక్షన్ మూవీ కల్కి (Kalki 2898AD). ఈ చిత్రం థియేటర్లలో రిలీజ్ అయ్యి ప్రేక్షకులను, అభిమానులని విశేషంగా ఆకట్టుకుంటుంది. బాక్సాఫీస్ వద్ద భారీ వసూళ్లతో దూసుకు పోతున్న ఈ చిత్రం వెయ్యి కోట్ల రూపాయల క్లబ్ లో చేరి సెన్సేషన్ క్రియేట్ చేయడం జరిగింది. ఈ చిత్రం ఇంకా చాలా ప్రాంతాల్లో స్ట్రాంగ్ హోల్డ్ ను కనబరుస్తోంది.
ఈ చిత్రం ఇంతటి విజయం సాధించడం పట్ల పలు ఆసక్తికర వ్యాఖ్యలు చేశారు నిర్మాత అశ్వని దత్. ప్రభాస్ ని నమ్ముకుని ఉన్నాం. మొత్తం ఆయనే నడిపిస్తారు అనుకుని, ఆయన మీదే అప్పజెప్పాం, అలాగే రిజల్ట్స్ కూడా దానికి అనుకూలంగా వచ్చింది అని అన్నారు. ఈ కామెంట్స్ సోషల్ మీడియాలో వైరల్ గా మారాయి. ఈ భారీ బడ్జెట్ మూవీలో బాలీవుడ్ స్టార్ హీరోయిన్ దీపికా పదుకునే, దిశా పటాని లు ఫీమేల్ లీడ్ రోల్స్ లో నటించగా, యూనివర్సల్ స్టార్ హీరో కమల్ హాసన్, బాలీవుడ్ మెగాస్టార్ అమితాబ్ బచ్చన్ లు ముఖ్య పాత్రల్లో నటించారు. బ్రహ్మానందం, రాజేంద్ర ప్రసాద్, శోభన, మాళవిక నాయర్, విజయ్ దేవరకొండ, దుల్కర్ సల్మాన్ తదితరులు కీలక పాత్రల్లో నటించగా, సంతోష్ నారాయణన్ సంగీతం అందించారు.