మెగా హీరో సాయి ధరమ్ తేజ్ ఇటీవల సోషల్ మీడియాలో బాగా యాక్టివ్‌గా ఉంటూ వస్తున్నాడు. రీసెంట్‌గా ఓ యూట్యూబర్ చేసిన దారుణమైన కామెంట్స్‌పై సాయి ధరమ్ తేజ్ తీసుకున్న స్టాండ్‌కు అభిమానులు హర్షం వ్యక్తం చేశారు. ఇక సినిమా పరంగా కూడా సాయి ధరమ్ తేజ్ ప్రస్తుతం SDT18 అనే ప్రాజెక్టును తెరకెక్కిస్తున్నాడు. ఇక తాజాగా ఆయన ఓ సినిమాను వీక్షించాడని.. దీనిపై తనదైన శైలిలో రివ్యూ ఇచ్చాడు.
తెలుగు రాష్ట్రాలకు చెందిన ప్రముఖ వ్యాపారవేత్త, బొల్లాంట్ ఇండస్ట్రీస్ అధినేత శ్రీకాంత్ బొల్లా బయోపిక్‌గా తెరకెక్కిన ‘శ్రీకాంత్’ చిత్రం ఓటిటిలో స్ట్రీమింగ్ అవుతోంది. ఈ సినిమాను తాను వీక్షించానని.. శ్రీకాంత్ గారు నిజమైన హీరో అని.. రాజ్‌కుమార్ రావు బ్రిలియెంట్ పర్ఫార్మెన్స్ ఇచ్చారని.. ఈ సినిమా క్లైమాక్స్ తనకు కన్నీళ్లు తెప్పించిందని..శరద్ కేల్కర్, జ్యోతిలక పర్ఫార్మెన్స్ ఔట్‌స్టాండింగ్‌గా ఉందని.. ఈ సినిమా అందరికీ స్పూర్తిదాయకంగా ఉంటుందని తేజు తన సోషల్ మీడియా అకౌంట్‌లో పోస్ట్ చేశాడు.
రాజ్‌కుమార్ రావు నటించిన శ్రీకాంత్ మూవీ ఇటీవల రిలీజ్ అయ్యి బాక్సాఫీస్ దగ్గర సెన్సేషనల్ హిట్‌గా నిలిచింది. ఈ సినిమాకు ఓటిటి లో అదే తరహా రెస్పాన్స్ వస్తుండటంతో మేకర్స్ సంతోషం వ్యక్తం చేస్తున్నారు. ఇక తేజు చేసిన కామెంట్స్ ప్రస్తుతం వైరల్‌గా మారాయి.