కోలీవుడ్ స్టార్ హీరో సూర్య ప్రధాన పాత్రలో, డైరెక్టర్ శివ దర్శకత్వంలో తెరకెక్కుతున్న చిత్రం కంగువ. స్టూడియో గ్రీన్, యూవీ క్రియేషన్స్, KVN ప్రొడక్షన్స్, పెన్ స్టూడియోస్ బ్యానర్ల పై భారీ బడ్జెట్ తో నిర్మిస్తున్న ఈ చిత్రంలో బాలీవుడ్ నటుడు బాబీ డియోల్, స్టార్ హీరోయిన్ దిశా పటానిలు కీలక పాత్రల్లో కనిపించనున్నారు. అక్టోబర్ 10, 2024 న వరల్డ్ వైడ్ గా థియేటర్ల లో రిలీజ్ కాబోతున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
లేటెస్ట్ న్యూస్ ఏంటంటే, ఈ చిత్రం నుండి ఫైర్ సాంగ్ ను మేకర్స్ రిలీజ్ చేయనున్నారు. జూలై 23 వ తేదీన ఈ సాంగ్ రిలీజ్ కానుంది. ఇదే విషయాన్ని ఒక పోస్టర్ ద్వారా వెల్లడించారు మేకర్స్. పోస్టర్ ఆడియెన్స్ ను విశేషం గా ఆకట్టుకుంటుంది. రాక్ స్టార్ దేవిశ్రీ ప్రసాద్ సంగీతం అందిస్తున్న ఈ చిత్రం పై అందరిలో ఆసక్తి నెలకొంది.