యంగ్ హీరో నితిన్ న‌టిస్తున్న తాజా చిత్రం ”రాబిన్ హుడ్” ఇప్ప‌టికే శ‌ర‌వేగంగా షూటింగ్ జ‌రుపుకుంటున్న సంగ‌తి తెలిసిందే. ఈ సినిమాను ద‌ర్శ‌కుడు వెంకీ కుడుముల డైరెక్ట్ చేస్తుండ‌టంతో ప్రేక్ష‌కుల్లో మంచి బ‌జ్ ఏర్ప‌డింది. ఇక ఈ సినిమాతో ఈ కాంబినేష‌న్ మరోసారి బాక్సాఫీస్ ద‌గ్గ‌ర హిట్ కొట్ట‌డం ఖాయ‌మ‌ని అభిమానులు ధీమా వ్య‌క్తం చేస్తున్నారు.

ఈ సినిమాను పూర్తి క‌మ‌ర్షియ‌ల్ ఎంట‌ర్టైన‌ర్ గా చిత్ర యూనిట్ రూపొందిస్తోంది. కాగా, ఈ సినిమాలో భారీ క్యాస్టింగ్ నటిస్తోంది. ఇందులో న‌ట కిరీటి రాజేంద్ర ప్ర‌సాద్ కూడా ఓ ప్ర‌ధాన పాత్ర‌లో న‌టిస్తున్నారు. ఆయ‌న పుట్టిన‌రోజు సంద‌ర్భంగా ఈ సినిమాలోని ఆయ‌న పాత్ర‌ను ఇంట్రొడ్యూస్ చేశారు మేక‌ర్స్. ఈ సినిమాలో రాజేంద్ర ప్ర‌సాద్ ఏజెంట్ జాన్ స్నో అలియాస్ జ‌నార్థ‌న్ సున్నిపెంట అనే పాత్ర‌లో న‌టిస్తున్నారు.

ఆయ‌న ప‌ర్పార్మెన్స్ ప్రేక్ష‌కులను మ‌రోసారి క‌డుపుబ్బా న‌వ్వించే విధంగా ఉండ‌నుంద‌ని చిత్ర యూనిట్ ధీమా వ్య‌క్తం చేస్తున్నారు. ఇక ఈ సినిమాలో యంగ్ బ్యూటీ శ్రీ‌లీల హీరోయిన్ గా నటిస్తోంది. ఈ సినిమాకు జివి.ప్ర‌కాశ్ కుమార్ సంగీతం అందిస్తున్నాడు. డిసెంబ‌ర్ 20న ఈ సినిమాను రిలీజ్ చేసేందుకు మేక‌ర్స్ ప్లాన్ చేస్తున్నారు.