ఐకాన్ స్టార్ అల్లు అర్జున్ (Allu Arjun) ప్రధాన పాత్రలో, డైరెక్టర్ సుకుమార్ దర్శకత్వంలో తెరకెక్కుతున్న యాక్షన్ డ్రామా పుష్ప 2 ది రూల్ (Pushpa 2 the rule). రష్మిక మందన్న ఫీమేల్ లీడ్ రోల్ లో నటిస్తున్న ఈ చిత్రానికి రాక్ స్టార్ దేవి శ్రీ ప్రసాద్ సంగీతం అందిస్తున్నారు. ఇప్పటికే ఈ చిత్రం నుండి రిలీజైన రెండు పాటలు కూడా ఆడియెన్స్ ను విశేషం గా ఆకట్టుకుంటున్నాయి. ఈ చిత్రంలోని సెకండ్ సింగిల్, కపుల్ సాంగ్ సెన్సేషన్ రెస్పాన్స్ తో దూసుకు పోతుంది.
అన్ని భాషల్లో కలిపి 175 మిలియన్స్ కి పైగా వ్యూస్ తో దూసుకు పోతుంది. కేవలం తెలుగు వెర్షన్ లోనే 100 మిలియన్స్ కి పైగా వ్యూస్ వచ్చాయి. సూసేకి సాంగ్ కి రీల్స్ బాగా చేస్తూ, ఫ్యాన్స్ డాన్స్ వేస్తున్నారు. ఈ చిత్రంలో ఫహద్ ఫాసిల్, అనసూయ భరద్వాజ్, ధనంజయ, సునీల్, రావు రమేష్ తదితరులు కీలక పాత్రల్లో కనిపించనున్నారు. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.