మెగా డాటర్ నిహారిక కొణిదెల ప్రొడ్యూస్ చేస్తున్న తాజా చిత్రం కమిటీ కుర్రోళ్ళు ఇప్పటికే ప్రేక్షకుల్లో మంచి బజ్‌ను క్రియేట్ చేసింది. ఈ సినిమాను యదు వంశీ డైరెక్ట్ చేస్తుండగా, పూర్తి యూత్‌ఫుల్ ఎంటర్‌టైనర్‌గా ఈ సినిమా రానుంది. ఇక ఇప్పటికే రిలీజ్ అయిన ఈ మూవీ పోస్టర్, టీజర్ ప్రేక్షకుల్లో అంచనాలను రెట్టింపు చేశాయి.
కాగా, ఈ సినిమా రిలీజ్ డేట్‌ను సస్పెన్స్‌లో పెడుతూ వచ్చిన చిత్ర యూనిట్, తాజాగా దీనిపై కూడా క్లారిటీ ఇచ్చారు. కమిటీ కుర్రాళ్ళు ఆడియెన్స్‌ను అలరించేందుకు ఆగస్టు 9న మనముందుకు వస్తున్నట్లుగా మేకర్స్ తాజాగా వెల్లడించారు. ఈ సినిమా అన్ని వర్గాల ఆడియెన్స్‌ను ఆకట్టుకుంటుందని వారు ధీమా వ్యక్తం చేస్తున్నారు.
యదు వంశీ డైరెక్ట్ చేస్తున్న ఈ సినిమాలో సందీప్ సరోజ్, యశ్వంత్, ఈశ్వర్ త్రినాథ్ ముఖ్య పాత్రల్లో నటిస్తున్నారు. సాయి కుమార్, గోపరాజు రమణ, బలగం జయరాం, శ్రీ లక్ష్మీ, కంచెరపాలం కిషోర్ తదితరులు ఇతర ముఖ్య పాత్రల్లో నటిస్తున్నారు.