మాస్ రాజా రవితేజ హీరోగా నటిస్తున్న తాజా చిత్రం మిస్టర్ బచ్చన్ ఇప్పటికే షూటింగ్ పూర్తి చేసుకుని పోస్ట్ ప్రొడక్షన్ పనుల్లో బిజీగా ఉంది. ఈ సినిమాను దర్శకుడు హరీష్ శంకర్ డైరెక్ట్ చేస్తుండటంతో ప్రేక్షకుల్లో ఈ సినిమాపై సాలిడ్ అంచనాలు క్రియేట్ అయ్యాయి. ఇక ఇప్పటికే రిలీజ్ అయిన ఈ మూవీ పోస్టర్స్, టీజర్, సాంగ్ అభిమానుల్లో అంచనాలు రెట్టింపు చేశాయి.
కాగా, ఈ సినిమాకు సంబంధించి ఎలాంటి అప్డేట్స్ వచ్చినా అభిమానులు ఫాలో అవుతున్నారు. ఇక ఈ సినిమాలో విలన్ పాత్రలో విలక్షణ నటుడు జగపతి బాబు నటిస్తున్న సంగతి తెలిసిందే. అయితే, తాజాగా పోస్ట్ ప్రొడక్షన్ పనుల్లో బిజీగా ఉన్న ఈ సినిమాలో జగపతి బాబు తన పాత్రకు సంబంధించిన డబ్బింగ్ పనులు ముగించుకున్నట్లు సోషల్ మీడియాలో పోస్ట్ చేశాడు.
దీంతో అభిమానులు ఈ సినిమా రిలీజ్ కోసం ఆసక్తిగా ఎదురుచూస్తున్నారు. రవితేజ ఊరమాస్ పర్ఫార్మెన్స్‌తో ఈ సినిమా రానుందని మేకర్స్ చెబుతుండగా, ఈ సినిమాలో అందాల భామ భాగ్యశ్రీ బొర్సె హీరోయిన్‌గా నటిస్తోంది. మిక్కీ జే మేయర్ సంగీతం అందిస్తున్న ఈ సినిమాను పీపుల్ మీడియా ఫ్యాక్టరీ ప్రొడ్యూస్ చేస్తుంది.