టాలీవుడ్ యంగ్ అండ్ టాలెంటెడ్ హీరో మాస్ కా దాస్ విశ్వక్ సేన్ హీరోగా నటిస్తున్న లేటెస్ట్ చిత్రమే “మెకానిక్ రాకీ”. మరి ఆల్రెడీ “గ్యాంగ్స్ ఆఫ్ గోదావరి” సినిమాతో ఈ ఏడాదిలో మంచి హిట్ విశ్వక్ అందుకోగా ఈ సినిమా తర్వాత మెకానిక్ రాకీ గా రాబోతున్నాడు. అయితే ఈ చిత్రాన్ని దర్శకుడు రవితేజ ముళ్ళపూడి తెరకెక్కించగా రీసెంట్ గానే సినిమా రిలీజ్ డేట్ ని అనౌన్స్ చేశారు. మరి లేటెస్ట్ గా అయితే ఈ సినిమాలో హీరోయిన్ ఎవరో రివీల్ చేశారు.
ఈ చిత్రంలో విశ్వక్ సేన్ సరసన జెర్సీ నటి శ్రద్దా శ్రీనాథ్ నటిస్తున్నట్టుగా మేకర్స్ ఫస్ట్ లుక్ రిలీజ్ చేశారు. మరి ఈ చిత్రంలో ఆమె క్యూట్ లుక్స్ లో కనిపిస్తూ అలరించేలా ఉందని చెప్పాలి. ఇక ఈ చిత్రానికి లేటెస్ట్ సరిపోదా శనివారం సెన్సేషన్ మ్యూజిక్ దర్శకుడు జేక్స్ బిజోయ్ సంగీతం అందిస్తుండగా ఎస్ ఆర్ టి ఎంటర్టైన్మెంట్స్ బ్యానర్ పై రామ్ తాళ్లూరి నిర్మాణం వహిస్తున్నారు. అలాగే ఈ అక్టోబర్ 31న సినిమా దీపావళి కానుకగా రిలీజ్ కాబోతుంది.