ప్రస్తుతం నందమూరి నటసింహం నందమూరి బాలకృష్ణ హీరోగా ప్రగ్యా జైస్వాల్ హీరోయిన్ గా దర్శకుడు కొల్లి బాబీ చేస్తున్న లేటెస్ట్ అవైటెడ్ సినిమా కోసం అందరికీ తెలిసిందే. మరి ఈ చిత్రాన్ని బాలయ్య కెరీర్ లో 109వ సినిమాగా చేస్తుండగా ఈ సినిమా పట్ల అభిమానుల్లో భారీ అంచనాలు నెలకొన్నాయి.
అయితే ఈ సినిమా షూటింగ్ గత కొన్ని నెలలు వాయిదా తర్వాత మళ్ళీ రీస్టార్ట్ కాగా ఇప్పుడు పనులు అన్నీ ఫుల్ స్వింగ్ లో చేస్తున్నట్టుగా తెలుస్తుంది. మరి మొన్ననే చిత్ర యూనిట్ అంతా రాజస్థాన్ లో ఓ కొత్త షెడ్యూల్ ని స్టార్ట్ చేశారు. అయితే ఇదొక సాలిడ్ యాక్షన్ షెడ్యూల్ అన్నట్టుగా తెలుస్తుంది. ప్రస్తుతం బాలయ్యపై అది యాక్షన్ ఎపిసోడ్ ని బాబీ తెరకెక్కిస్తున్నాడట.
ఇది బాబీ డియోల్ గ్యాంగ్ కి తనకి నడుమ కనిపిస్తుందని టాక్. ఇప్పటికే వచ్చిన గ్లింప్స్, పోస్టర్ లతో సినిమాపై మంచి బజ్ నెలకొంది. ఇక సినిమా టైటిల్, రిలీజ్ డేట్స్ కోసం మాత్రం అంతా ఆసక్తిగా ఎదురు చూస్తున్నారు. మరి చూడాలి ఈ సినిమాని మేకర్స్ ఎప్పుడు రిలీజ్ చేస్తారు అనేది. ఇక ఈ చిత్రానికి థమన్ సంగీతం అందిస్తుండగా సితార ఎంటర్టైన్మెంట్స్, ఫార్చూన్ ఫోర్ సినిమాస్ వారు నిర్మాణం వహిస్తున్నారు.