మాస్ రాజా ర‌వితేజ న‌టిస్తున్న తాజా చిత్రం ‘మిస్ట‌ర్ బ‌చ్చ‌న్’ ఇప్ప‌టికే షూటింగ్ ప‌నులు ముగించుకుని రిలీజ్ కు రెడీ అయ్యింది. ఈ సినిమాను ద‌ర్శ‌కుడు హ‌రీష్ శంక‌ర్ డైరెక్ట్ చేస్తుండ‌టంతో ఈ మూవీపై అంచ‌నాలు భారీగా క్రియేట్ అయ్యాయి. ఇక ఈ సినిమా నుండి ఇప్ప‌టికే రిలీజ్ అయిన పోస్ట‌ర్స్, వీడియో గ్లింప్స్, ఫ‌స్ట్ లిరికల్ సాంగ్ కు అదిరిపోయే రెస్పాన్స్ ల‌భించింది.

ఇక ఈ సినిమా నుంచి ఇప్పుడు మ‌రో సాంగ్ ను రిలీజ్ చేసేందుకు మేక‌ర్స్ రెడీ అయ్యారు. మాస్ బ‌స్ట‌ర్ గా ఉండ‌నున్న ఈ సాంగ్ కు సంబంధించిన అనౌన్స్ మెంట్ నేడు మ‌ధ్యాహ్నం 3.06 గంట‌ల‌కు చేయ‌నున్న‌ట్లు చిత్ర యూనిట్ తెలిపింది. ఈ పాట‌ను ప్ర‌ముఖ ర‌చ‌యిత కాసర్ల శ్యామ్ రాసినట్లుగా ద‌ర్శ‌కుడు హ‌రీష్ శంక‌ర్ తెలిపారు.

దీంతో ఈ పాట ఎలా ఉండ‌బోతుందా అనే ఆస‌క్తి అభిమానుల్లో నెల‌కొంది. ఇక ఈ సినిమాలో అందాల భామ భాగ్య‌శ్రీ బొర్సె హీరోయిన్ గా న‌టిస్తోండ‌గా జ‌గ‌ప‌తి బాబు విల‌న్ పాత్ర‌లో న‌టిస్తున్నారు. ఈ సినిమాకు మిక్కీ జే మేయ‌ర్ సంగీతం అందిస్తుండ‌గా పీపుల్ మీడియా ఫ్యాక్టరీ బ్యాన‌ర్ పై టిజి.విశ్వ‌ప్ర‌సాద్ ప్రొడ్యూస్ చేస్తున్నారు. ఆగ‌స్టు 15న మిస్ట‌ర్ బచ్చ‌న్ రిలీజ్ కు రెడీ అయ్యింది.