మాస్ రాజా రవితేజ లేటెస్ట్ యాక్ష‌న్ ఎంట‌ర్టైన‌ర్ మూవీ ‘మిస్ట‌ర్ బచ్చ‌న్’ నుంచి మ‌రో అప్డేట్ వ‌చ్చేసింది. ఈ సినిమా నుండి రెండో సింగిల్ సాంగ్ గా ”రెప్ప‌ల్ డ‌ప్పుల్”ను రిలీజ్ చేయ‌బోతున్న‌ట్లు మేక‌ర్స్ తాజాగా వెల్ల‌డించారు. ఈ పాటతో స్పీక‌ర్లు బ్లాస్ట్ అవ‌డం ఖాయ‌మని వారు చెబుతున్నారు.

ఇక ఈ పాట‌కు కాస‌ర్ల శ్యామ్ లిరిక్స్ అందించ‌గా అనురాగ్ కుల్క‌ర్ణి, మంగ్లీ క‌లిసి పాడారు. ఈ పాట‌లో మాస్ రాజా ర‌వితేజ వేసే స్టెప్పులకు థియేట‌ర్లు ద‌ద్ద‌రిల్ల‌డం ఖాయ‌మ‌ని చిత్ర యూనిట్ ధీమా వ్య‌క్తం చేస్తోంది. ఈ పాట‌కు సంబంధించిన లిరిక‌ల్ వీడియోను జూలై 25న రిలీజ్ చేయ‌బోతున్న‌ట్లు ప్ర‌క‌టించారు. ఈ అనౌన్స్ మెంట్ పోస్ట‌ర్ లో ర‌వితేజ క‌ల‌ర్ఫుల్ డ్రెస్సులో డ్యాన్స్ చేస్తున్న ఫోజ్ అభిమానుల‌ను ఆక‌ట్టుకుంటోంది.

‘మిస్ట‌ర్ బ‌చ్చ‌న్’ చిత్రంలో అందాల భామ భాగ్య‌శ్రీ బొర్సె హీరోయిన్ గా న‌టిస్తోండ‌గా విల‌క్ష‌ణ న‌టుడు జ‌గ‌ప‌తి బాబు మ‌రోసారి విల‌న్ పాత్ర‌లో క‌నిపిస్తారు. మిక్కీ జే మేయ‌ర్ సంగీతం ఈ సినిమాను నెక్ట్స్ లెవెల్ కు తీసుకెళ్ల‌నుంద‌ని ఇప్ప‌టికే రిలీజ్ అయిన సితార్ సాంగ్ ప్రూవ్ చేసింది. పీపుల్ మీడియా ఫ్యాక్ట‌రీ పై టిజి.విశ్వ‌ప్ర‌సాద్ ప్రొడ్యూస్ చేస్తున్న ఈ మూవీ ఆగ‌స్టు 15న ప్ర‌పంచవ్యాప్తంగా రిలీజ్ కానుంది.