మెగా హీరో అల్లు శిరీష్ న‌టిస్తున్న తాజా చిత్రం ‘బ‌డ్డీ’ రిలీజ్ కు రెడీ అయ్యింది. శామ్ ఆంటోన్ డైరెక్ట్ చేస్తున్న ఈ సినిమా పూర్తి యాక్ష‌న్ ఎంట‌ర్టైన‌ర్ గా ప్రేక్ష‌కుల‌ను అల‌రించేందుకు సిద్ధ‌మ‌య్యింది. ఇక ఈ సినిమాలో ప్రిషా సింగ్ హీరోయిన్ గా న‌టిస్తోంది. ఈ సంద‌ర్భంగా సినిమా ప్ర‌మోష‌న్స్ లో భాగంగా ఆమె తాజాగా మీడియాతో ముచ్చ‌టించింది.
ప్రిషా సింగ్ మాట్లాడుతూ.. నా ఫొటోలు చూసి మూవీ ఆడిష‌న్‌కు పిలిచారు. సినిమా కోసం సెలెక్ట్ అయినా పాత్ర‌లోని వేరియేష‌న్స్ చూసి నేను చేయ‌గ‌ల‌నా అనే డౌట్ వ‌చ్చింది. ఇక బ‌డ్డీ మూవీలో నేను ఎయిర్ హోస్టెస్ పాత్ర‌లో క‌నిపిస్తాను. దీనికోసం చాలా మంది ఎయిర్ హోస్టెస్‌ను గ‌మ‌నించాను. వారెలా న‌డుస్తారు, ఎలా మాట్లాడుతారు, ఇత‌రుల‌తో ఎలా ప్ర‌వ‌ర్తిస్తారు.. వంటి విష‌యాల‌ను క్షుణ్ణంగా ప‌రిశీలించాను. టాలీవుడ్ లో న‌టించ‌డం న‌టిగా నాకొక మంచి ఎక్స్‌పీరియెన్స్‌. ఇంకా వైవిధ్య‌మైన పాత్ర‌లు చేయ‌డానికి ఆస‌క్తిగా ఎదురుచూస్తున్నాను అని తెలిపింది.
వైల్డ్ లైఫ్ ఫొటోగ్ర‌ఫీ అంటే త‌న‌కు చాలా ఇష్ట‌మ‌ని ప్రిషా చెప్పుకొచ్చింది. త‌న ఇన్‌స్టాగ్రామ్‌లో రీసెంట్‌గా దీనికి సంబంధించిన ఫొటోల‌ను కూడా షేర్ చేసింది. ఇక ఈ బ్యూటీ చేసే ఫోటోషూట్స్ కి కూడా మంచి ఫాలోయింగ్ ఉండ‌టం విశేషం.