నంద‌మూరి బాల‌కృష్ణ ప్ర‌స్తుతం త‌న కెరీర్ లోని 109వ చిత్రంలో న‌టిస్తున్నారు. డైరెక్ట‌ర్ బాబీ తెరకెక్కిస్తున్న ఈ సినిమాను NBK109 అనే వ‌ర్కింగ్ టైటిల్ తో చిత్రీక‌రిస్తున్నారు. ఇక ఇప్ప‌టికే రిలీజ్ అయిన ఈ మూవీ వీడియో గ్లింప్స్ కు సాలిడ్ రెస్పాన్స్ ద‌క్కింది. కాగా, బాల‌య్య త‌న నెక్ట్స్ ప్రాజెక్టును మాస్ చిత్రాల స్పెష‌లిస్ట్ బోయ‌పాటి శ్రీ‌నుతో తెర‌కెక్కించ‌నున్న సంగ‌తి తెలిసిందే.

బాల‌య్య‌-బోయ‌పాటి కాంబినేష‌న్ లో 3వ సినిమాగా వ‌చ్చిన ‘అఖండ’ బాక్సాఫీస్ వ‌ద్ద ఎలాంటి సెన్సేష్ క్రియేట్ చేసిందో మ‌నం చూశాం. ఇక ఆ సినిమాకు సీక్వెల్ గా వీరి కాంబినేష‌న్ లో నాలుగ‌వ చిత్రంగా ‘అఖండ‌-2’ రానుంది. కాగా ‘అఖండ-2’ సినిమా కోసం చిత్ర యూనిట్ లో భారీగా మార్పులు జ‌రుగుతున్న‌ట్లుగా సినీ స‌ర్కిల్స్ లో టాక్ వినిపిస్తోంది. గ‌తంలో ‘అఖండ’ చిత్రానికి థ‌మ‌న్ ప‌వ‌ర్ఫుల్ మ్యూజిక్ అందించాడు. ఆయ‌న మ్యూజిక్, బీజీఎంల‌కు థియేట‌ర్లు ద‌ద్ద‌రిల్లాయి.

అయితే, ఇప్పుడు ‘అఖండ‌-2’ కోసం థ‌మ‌న్ స్థానంలో వేరొక మ్యూజిక్ డైరెక్ట‌ర్ రాబోతున్న‌ట్లుగా తెలుస్తోంది. అర్జున్ రెడ్డి, యానిమ‌ల్ వంటి సినిమాలకు థండ‌రింగ్ బీజీఎం అందించిన హ‌ర్ష‌వ‌ర్ధ‌న్ రామేశ్వ‌ర్ ‘అఖండ‌-2’ కోసం సంగీతాన్ని అందించ‌నున్న‌ట్లుగా తెలుస్తోంది. ఇదే నిజం అయితే, ఆయ‌న అందించే బీజీఎం, బాల‌య్య న‌ట‌విశ్వ‌రూపం క‌ల‌గ‌లిసి ‘అఖండ‌-2’తో థియేట‌ర్లు రీసౌండ్ ఇవ్వ‌డం ఖాయం. మ‌రి నిజంగానే ‘అఖండ‌-2’ కోసం ఈ మార్పు జ‌రుగుతుందా అనే విష‌యంపై క్లారిటీ రావాల్సి ఉంది.