కన్నడ రాకింగ్ స్టార్ యష్ హీరోగా ఇప్పుడు చేస్తున్న భారీ పాన్ ఇండియా చిత్రం “టాక్సిక్” కోసం అందరికీ తెలిసిందే. మరి ఈ చిత్రాన్ని మళయాళ దర్శకురాలు గీతూ మోహన్ దాస్ ఈ చిత్రాన్ని తెరకెక్కిస్తుండగా రీసెంట్ గా యష్ ప్రిపేర్ చేసిన క్రేజీ లుక్ మంచి హాట్ టాపిక్ గా మారింది. అయితే ఈ చిత్రంలో ఇద్దరు బాలీవుడ్ హీరోయిన్స్ కియారా అద్వానీ అలాగే తారా సుతారియాలు హీరోయిన్స్ గా నటిస్తున్నట్టుగా టాక్ వినిపిస్తుండగా ఇపుడు షూట్ సంబంధించి లేటెస్ట్ అప్డేట్ తెలుస్తుంది.
దీని ప్రకారం ఓ ఇంట్రెస్టింగ్ సీక్వెన్స్ ని ఇప్పుడు మేకర్స్ తెరకెక్కిస్తున్నారు. ఒక 20 నుంచి 30మంది లేడీ ఆర్టిస్టులతో వారిని కాపాడే సీన్ ని ఒకటి బెంగళూరులో తెరకెక్కిస్తున్నారట. ఇది సినిమాలో మంచి టెన్స్ సన్నివేశంగా కనిపిస్తుందని తెలుస్తుంది. ఇక ఈ చిత్రంలో కోలీవుడ్ స్టార్ నటి నయనతార కూడా కీలక పాత్ర చేస్తుండగా కెవిఎన్ ప్రొడక్షన్స్ వారు భారీ బడ్జెట్ తో నిర్మాణం వహిస్తున్నారు. అలాగే ఈ సినిమా పాన్ ఇండియా భాషల్లో వచ్చే ఏడాది ఏప్రిల్ 10న రిలీజ్ కాబోతుంది.