త‌మిళ సూప‌ర్ స్టార్ రజినీకాంత్ ప్ర‌స్తుతం లోకేశ్ క‌న‌గ‌రాజ్ డైరెక్ష‌న్ లో ‘కూలీ’ అనే సినిమాలో న‌టిస్తున్న సంగ‌తి తెలిసిందే. ఈ సినిమా షూటింగ్ ఇటీవ‌ల ప్రారంభ‌మైంది. ఇక ఈ సినిమాలో రజినీకాంత్ ను స‌రికొత్త‌గా చూపెట్టేందుకు లోకేశ్ ప్ర‌య‌త్నిస్తున్నాడు. దీంతో ఈ సినిమా కోసం అభిమానులు ఆస‌క్తిగా ఎదురుచూస్తున్నారు.
అయితే, ఈ సినిమాకు సంబంధించి సినీ స‌ర్కిల్స్ లో ఓ వార్త తెగ్ హ‌ల్ చ‌ల్ చేస్తోంది. కూలీ చిత్రంలో విలన్ పాత్ర కోసం టాలీవుడ్ కింగ్ అక్కినేని నాగార్జున‌ను తీసుకుంటున్న‌ట్లుగా వార్లలు వినిపిస్తున్నాయి. ఈ వార్త ప్ర‌స్తుతం నెట్టింట తెగ హ‌ల్ చ‌ల్ చేస్తోంది. క‌థ‌లోని ఇంటెన్సిటీ న‌చ్చ‌డంతోనే నాగ్ ఈ పాత్ర చేసేందుకు ఓకే చెప్పాడ‌ని తెలుస్తోంది.
ప్ర‌స్తుతం ‘కుబేర’ సినిమాలో న‌టిస్తున్న నాగార్జున త్వ‌ర‌లోనే త‌న నెక్ట్స్ ప్రాజెక్టును ప‌ట్టాలెక్కించేందుకు సిద్ధ‌మ‌వుతున్నాడు. మ‌రి నిజంగానే రజినీకాంత్ కూలీ సినిమా కోసం నాగ్ విలన్ గా మారుతాడా.. అనేది ఆస‌క్తిక‌రంగా మారింది. దీనిపై అఫీషియ‌ల్ అనౌన్స్ మెంట్ వచ్చే వ‌ర‌కు వెయిట్ చేయాల్సిందే.