మెగాస్టార్ చిరంజీవి ఇంట మ‌న‌వరాలు క్లిన్ కారా రాక‌తో ఏడాది పాటుగా సంతోషం నెల‌కొంది. రామ్ చరణ్, ఉపాస‌న ల ముద్దుల కూతురు క్లిన్ కారాను మెగా ఫ్యామిలీ మెంబ‌ర్స్ ఎంతో అపురూపంగా చూసుకుంటున్నారు. ఇక స‌మ‌యం దొరికిన‌ప్పుడ‌ల్లా మెగాస్టార్ చిరంజీవి త‌న మ‌న‌వ‌రాలితో స‌మ‌యం గ‌డిపేందుకు ఇష్ట‌ప‌డుతున్నారు.
ప్రస్తుతం రామ్ చరణ్, ఉపాస‌న లండ‌న్ లో వెకేష‌న్ కు వెళ్లిన సంగ‌తి తెలిసిందే. అయితే, తాజాగా వారితో జాయిన్ అయ్యారు మెగాస్టార్ చిరంజీవి ఆయ‌న భార్య సురేఖ. ఈ సంద‌ర్భంగా లండ‌న్ లోని హైడె పార్క్ లో త‌న మ‌న‌వారిలో పాటు భార్య సురేఖ, కొడుకు రామ్ చరణ్, కోడ‌లు ఉపాస‌న‌ల‌తో క‌లిసి స‌ర‌దాగా వాక్ చేస్తున్న ఫోటోను మెగాస్టార్ త‌న అభిమానుల‌తో పంచుకున్నారు.
ఇక లండ‌న్ నుంచి వారు పారిస్ లో జ‌రిగే ఒలింపిక్స్ ఈవెంట్ కు వెళ్ల‌నున్న‌ట్లు చిరు ట్వీట్ చేశారు. ఇలా త‌న ఫ్యామిలీతో చిరు స‌మ‌యం గ‌డుపుతుండ‌టంతో అభిమానులు సంతోషం వ్యక్తం చేస్తున్నారు.