మ్యాచో స్టార్ గోపీచంద్ న‌టిస్తున్న తాజా చిత్రం ఇప్ప‌టికే షూటింగ్ శ‌ర‌వేగంగా జరుపుకుంటోంది. ఈ సినిమాను ద‌ర్శ‌కుడు శ్రీ‌ను వైట్ల తెర‌కెక్కిస్తుండ‌టంతో ప్రేక్ష‌కుల‌తో పాటు సినీ స‌ర్కిల్స్ లోనూ ఈ సినిమాపై మంచి బ‌జ్ క్రియేట్ అయ్యింది. ఇక ఈ సినిమాకు ”విశ్వ‌మ్” అనే ప‌వ‌ర్ఫుల్ టైటిల్ ను మేక‌ర్స్ ఫిక్స్ చేశారు.

అయితే, గోపీచంద్ విశ్వ‌మ్ త‌రువాత చేయ‌బోయే ప్రాజెక్ట్ గురించి ఓ ఇంట్రెస్టింగ్ వార్త సినీ స‌ర్కిల్స్ లో వినిపిస్తోంది. ”ధ‌మాకా” వంటి బ్లాక్ బ‌స్ట‌ర్ హిట్ అందించిన ద‌ర్శ‌కుడు త్రినాథ‌రావు న‌క్కిన ప్ర‌స్తుతం యంగ్ హీరో సందీప్ కిష‌న్ తో ఓ సినిమా చేస్తున్నాడు. ఈ సినిమా త‌రువాత ఆయ‌న గోపీచంద్ తో సినిమా చేయ‌బోతున్న‌ట్లుగా టాక్ వినిపిస్తోంది. నిర్మాత‌లు భ‌గ‌వాన్, జె.పుల్లారావు ఇప్ప‌టికే ఈ డైరెక్ట‌ర్ కి అడ్వాన్స్ ఇచ్చారు. అటు గోపీచంద్ డేట్స్ ఇప్ప‌టికే వీరికి కేటాయించాడు. దీంతో ఈ కాంబినేష‌న్ లో మూవీ త్వ‌ర‌లోనే రానుంద‌నే చ‌ర్చ సాగుతోంది.

ఒక‌వేళ నిజంగానే ఈ కాంబినేష‌న్ లో సినిమా వ‌స్తే అభిమానులకు పండ‌గ‌నే చెప్పాలి. ‘ధ‌మాకా’ వంటి ప‌క్కా మాస్ యాక్ష‌న్ ఎంట‌ర్టైన‌ర్ క‌థ‌తో మ్యాచో స్టార్ గోపీచంద్ వ‌స్తే ఆ సినిమా బాక్సాఫీస్ ద‌గ్గర గ్యారెంటీగా హిట్ అవుతుంద‌ని అభిమానులు భావిస్తున్నారు. మ‌రి ఈ కాంబోలో సినిమా ఎప్పుడు ఉంటుందా అనేది తెలియాలంటే అఫీషియ‌ల్ అనౌన్స్ మెంట్ వచ్చే వ‌రకు వెయిట్ చేయాల్సిందే.