ఇటీవ‌ల బాక్సాఫీస్ వ‌ద్ద స‌రికొత్త రికార్డులతో విధ్వంసం సృష్టించిన ‘క‌ల్కి 2898 AD’ మూవీ ఇంకా సాలిడ్ వ‌సూళ్ల‌తో థియేట‌ర్ల‌లో ర‌న్ అవుతోంది. ఈ సినిమాను ద‌ర్శ‌కుడు నాగ్ అశ్విన్ డైరెక్ట్ చేయ‌గా, పాన్ ఇండియా స్టార్ ప్ర‌భాస్ ఈ సినిమాలో న‌టించాడు. ఇక వైజ‌యంతి మూవీస్ బ్యాన‌ర్ ఈ సినిమాను అత్యంత భారీ బ‌డ్జెట్ తో ప్రొడ్యూస్ చేసింది.

ఈ సినిమా రిలీజై నెల రోజులు అయ్యింది. ఆడియెన్స్ ఇంకా క‌ల్కి గురించి చ‌ర్చించుకుంటున్న వేళ‌, ఈ చిత్ర నిర్మాత‌లు ఇప్పుడు స‌రికొత్త అనౌన్స్ మెంట్ తో మ‌న‌ముందుకు వ‌చ్చారు. స్వ‌ప్న సినిమాస్, గీతా ఆర్ట్స్, వైజ‌యంతి మూవీస్, లైట్ బాక్స్ మీడియా బ్యాన‌ర్లు సంయుక్తంగా ఓ డ్రీమ్ అనౌన్స్ మెంట్ చేయ‌బోతున్న‌ట్లు ప్ర‌క‌టించాయి. జూలై 28న ఉద‌యం 10.30 గంట‌ల‌కు ఈ అనౌన్స్ మెంట్ ఉండ‌బోతుంది.

దీంతో ఈ అనౌన్స్మెంట్ దేని గురించి అయ్యి ఉంటుందా అని ప్రేక్ష‌కులు ఆలోచ‌న‌లో ప‌డ్డారు. ఇక కల్కి మూవీ ఇప్ప‌టికే రూ.1100 కోట్ల వ‌సూళ్ల‌తో బాక్సాఫీస్ ను షేక్ చేసింది. మ‌రి ఈ బిగ్గెస్ట్ అనౌన్స్మెంట్ ఏమై ఉంటుందా అనేది ఆస‌క్తిక‌రంగా మారింది.