మాస్ మహారాజ రవితేజ హీరోగా స్వీటీ అనుష్క హీరోయిన్ గా దర్శక దిగ్గజం ఎస్ ఎస్ రాజమౌళి తెరకెక్కించిన సెన్సేషనల్ హిట్ చిత్రం “విక్రమార్కుడు” కోసం అందరికీ తెలిసిందే. మరి అప్పట్లోనే భారీ హిట్ గా నిలిచిన ఈ చిత్రం మళ్లీ ఇన్నేళ్ల తర్వాత రీ రిలీజ్ కి వచ్చింది.
అయితే ఇప్పుడు కూడా ఈ సినిమా మేనియా ఏమాత్రం తగ్గలేదని చెప్పాలి. హైదరాబాద్, వైజాగ్ లాంటి సిటీల్లో సినిమా నిన్న హౌస్ ఫుల్స్ పడగా అభిమానులు చేసిన రచ్చ అంతా ఇంతా కాదు. రవితేజ సినిమాలో వేసిన గెటప్స్ వేసుకొని మరీ థియేటర్స్ కి వెళ్లి ఎంజాయ్ చేసారు.
అలాగే సినిమాలో మాస్ సీన్స్, కామెడీ సీన్స్ రెస్పాన్స్ లాంటివి సోషల్ మీడియాలో ఓ రేంజ్ లో వైరల్ అవుతున్నాయి. ఇలా మొత్తంగా మాత్రం మరోసారి విక్రమార్కుడు సినిమా థియేటర్లులో బ్లాస్ట్ అయ్యింది అని చెప్పాలి. ఇక ఈ చిత్రంలో బ్రహ్మానందం, రాజీవ్ కనకాల, అజయ్ తదితరులు నటించగా విజయేంద్ర ప్రసాద్ కథ అందించారు అలాగే ఎం ఎం కీరవాణి సంగీతం అందించారు.