మన తెలుగు సినిమా నుంచి వచ్చిన మొట్ట మొదటి సూపర్ హీరో చిత్రం “హను మాన్” (Hanu Man Movie) ఎంత పెద్ద హిట్ అయ్యిందో అందరికీ తెలిసిందే. పాన్ ఇండియా లెవెల్లో యంగ్ హీరో తేజ సజ్జ అలాగే దర్శకుడు ప్రశాంత్ వర్మ పేర్లు ఒక్కసారిగా మారు మోగాయి. దీనితో ఇక దీని సీక్వెల్ “జై హనుమాన్” పై భారీ అంచనాలు సెట్ అయ్యాయి.
అయితే ఈ సినిమాలో అసలు సిసలు ప్రశ్న హనుమంతుని పాత్రలో ఎవరు కనిపిస్తారు అని.. మరి దీనికి మన తెలుగు స్టార్ హీరోలే మెగాస్టార్ చిరంజీవి (Chiranjeevi), గ్లోబల్ స్టార్ రామ్ చరణ్ (Ram Charan) లు మాత్రమే న్యాయం చేస్తారని నిర్మాతలు కూడా తమ మనసులో మాట చెప్పారు. కానీ దర్శకుడు మైండ్ లో ఏముంది అనేది మరింత ముఖ్యం. సో ప్రస్తుతానికి ఇది సస్పెన్స్ గానే ఉంది.
అయితే ఇప్పుడు ఈ పవర్ఫుల్ రోల్ కోసం కోలీవుడ్ బిగ్ స్టార్ అజిత్ (Ajith Kumar) పేరు కూడా సోషల్ మీడియాలో వైరల్ అవుతుంది. అయితే అసలు సంబంధమే లేకుండా ఇందులో అజిత్ పేరు వచ్చింది అని చెప్పాలి. ప్రస్తుతానికి అయితే ఈ వార్తల్లో ఎలాంటి నిజం లేదని తెలుస్తుంది. మేకర్స్ అందుబాటులో ఉండే దాన్ని బట్టి చిరు లేదా చరణ్ తోనే ఆ పవర్ఫుల్ పాత్ర చేయాలని చూస్తున్నారట. మరి దీనిపై మరింత క్లారిటీ రావాల్సి ఉంది.