టాలీవుడ్ డైరెక్టర్ హరీష్ శంకర్ దర్శకత్వంలో, మాస్ మహారాజ రవితేజ ప్రధాన పాత్రలో నటిస్తున్న లేటెస్ట్ మూవీ మిస్టర్ బచ్చన్ (Mr Bachchan). భాగ్యశ్రీ బోర్సే ఫీమేల్ లీడ్ రోల్ లో నటిస్తుండగా, టాలీవుడ్ సీనియర్ నటుడు జగపతి బాబు ఇందులో కీలక పాత్రలో నటిస్తున్నారు. ఆగస్ట్ 15, 2024 న వరల్డ్ వైడ్ గా థియేటర్లలో రిలీజ్ కి రెడీ అయిన ఈ చిత్రానికి మిక్కీ జే మేయర్ సంగీతం అందిస్తున్నారు. రిలీజ్ డేట్ దగ్గర పడుతుండటంతో ప్రమోషన్స్ ను వేగవంతం చేయడం జరిగింది. ఇప్పటికే రిలీజైన ప్రచార చిత్రాలకి ప్రేక్షకుల నుండి మంచి రెస్పాన్స్ వచ్చింది. మేకర్స్ తాజాగా టీజర్ ను రిలీజ్ చేయడం జరిగింది.
టీజర్ ఆద్యంతం ఆసక్తికరంగా సాగింది. హరీష్ శంకర్ మార్క్ డైలాగ్స్ ఆకట్టుకుంటున్నాయి. మాస్ మహారాజ రవితేజ చెప్పిన ఆటిట్యూడ్ డైలాగ్స్ టీజర్ కు హైలైట్ గా నిలిచింది. హీరోయిన్ ను కూడా చాలా అందంగా చూపించారు హరీష్. యాక్షన్ సన్నివేశాలను మిక్కీ జే మేయర్ అధ్బుతమైన బ్యాక్ గ్రౌండ్ మ్యూజిక్ అందించారు. వివేక్ కూచిభొట్ల సహ నిర్మాతగా పీపుల్ మీడియా ఫ్యాక్టరీ పతాకంపై టీజీ విశ్వప్రసాద్ ఈ చిత్రంను నిర్మిస్తున్నారు. ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
వీడియో కోసం ఇక్కడ క్లిక్ చెయ్యండి