సూపర్ స్టార్ మహేష్ బాబు హీరోగా, మాటల మాంత్రికుడు త్రివిక్రమ్ శ్రీనివాస్ దర్శకత్వంలో తెరకెక్కిన ఫ్యామిలీ ఎంటర్టైనర్ గుంటూరు కారం. సంక్రాంతి పండుగ సందర్భంగా థియేటర్లలో రిలీజ్ అయిన ఈ చిత్రం ప్రేక్షకులను, అభిమానులని విశేషంగా ఆకట్టుకుంది. బాక్సాఫీస్ వద్ద మంచి వసూళ్లను రాబట్టింది. ఈ చిత్రం వెంకటేశ్వర థియేటర్, చిలకలూరిపేటలో 200 రోజుల రన్ ను పూర్తి చేసుకుంది. డిజిటల్ ప్రీమియర్ గా వచ్చినప్పటికీ 200 రోజుల రన్ ను పూర్తి చేసుకోవడం సెన్సేషన్ అని చెప్పాలి.
ఈ చిత్రానికి బదులుగా గ్యాంగ్స్ ఆఫ్ గోదావరి చిత్రం నేటి నుండి ప్రదర్శింపబడుతుంది. గుంటూరు కారం చిత్రంలో యంగ్ బ్యూటీ శ్రీ లీల హీరోయిన్ గా నటించగా, మీనాక్షి చౌదరి, రమ్య కృష్ణ, ప్రకాష్ రాజ్, ఈశ్వరి రావు, జగపతి బాబు, అజయ్ ఘోష్ తదితరులు కీలక పాత్రల్లో నటించారు. మ్యూజికల్ సెన్సేషన్ థమన్ ఈ చిత్రానికి సంగీతం అందించారు.