మ్యాచో స్టార్ గోపీచంద్ నటిస్తున్న తాజా చిత్రం ‘విశ్వం’ ఇప్పటికే శరవేగంగా షూటింగ్ జరుపుకుంటున్న సంగతి తెలిసిందే. ఈ సినిమాను దర్శకుడు శ్రీను వైట్ల తెరకెక్కిస్తుండటంతో ఈ మూవీపై ప్రేక్షకుల్లో మంచి బజ్ క్రియేట్ అయ్యింది. ఈ సినిమా నుంచి రిలీజైన వీడియో గ్లింప్స్ ఈ సినిమాపై అంచనాలను పెంచేసింది. అయితే, ఇప్పుడు తాజాగా ఈ సినిమా నుంచి ‘జర్నీ ఆఫ్ విశ్వం’ అంటూ మరో వీడియోను వదిలారు మేకర్స్.
ఈ సినిమా షూటింగ్‌కు సంబంధించిన సీన్స్‌తో పాటు సినిమాలోని యాక్షన్ సీన్స్‌ని కూడా మనకు ‘జర్నీ ఆఫ్ విశ్వం’లో చూపెట్టారు. ఈ వీడియో చూస్తుంటే, శ్రీను వైట్ల ఈసారి ఎలాగైనా హిట్ కొట్టేందుకు తీవ్రంగా కష్టపడ్డట్లుగా కనిపిస్తుంది. ఈ సినిమాలో యాక్షన్‌తో పాటు కామెడీకి ఏమాత్రం కొదువ లేదని ఈ వీడియో చూస్తుంటే అర్థమవుతోంది. శ్రీను వైట్ల తనదైన మార్క్ కామెడీతో ఈసారి ప్రేక్షకులను అలరించబోతున్నట్లు కనిపిస్తుంది.
మొత్తానికి ఈ సినిమాతో దర్శకుడు శ్రీను వైట్లతో పాటు హీరో గోపీచంద్ కూడా సాలిడ్ హిట్ కొట్టడం ఖాయంగా కనిపిస్తుందని అభిమానులు ధీమా వ్యక్తం చేస్తున్నారు. ఈ సినిమాలో అందాల భామ కావ్య తాపర్ హీరోయిన్‌గా నటిస్తోండగా చైతన్ భరద్వాజ్ సంగీతం అందిస్తున్నాడు. ఈ సినిమాను పీపుల్ మీడియా ఫ్యాక్టరీపై టిజి.విశ్వప్రసాద్ ప్రొడ్యూస్ చేస్తున్నారు.
వీడియో కోసం ఇక్కడ క్లిక్ చేయండి