మాస్ రాజా రవితేజ లేటెస్ట్ మాస్ యాక్షన్ ఎంటర్‌టైనర్ ‘మిస్టర్ బచ్చన్’ ప్రేక్షకుల్లో సాలిడ్ అంచనాలను క్రియేట్ చేసింది. ఈ సినిమాను దర్శకుడు హరీష్ శంకర్ డైరెక్ట్ చేస్తుండగా అందాల భామ భాగ్యశీ బొర్సె ఈ సినిమాలో హీరోయిన్‌గా నటిస్తోంది. ఈ సినిమాకు మిక్కీ జే మేయర్ సంగీతం అందిస్తున్నారు. ఇప్పటికే రిలీజ్ అయిన రెండు సాంగ్స్‌కు ప్రేక్షకుల నుంచి సాలిడ్ రెస్పాన్స్ దక్కింది.
‘సితార్’ అంటూ సాగిన మెలోడియస్ పాట.. ‘రెప్పల్ డప్పుల్’ అంటూ వచ్చిన మాస్ మసాలా సాంగ్ అభిమానులను అమితంగా ఆకట్టుకున్నాయి. ఇక తాజాగా ఈ సినిమా నుంచి ‘జిక్కీ’ అనే రొమాంటిక్ సాంగ్‌ను రిలీజ్ చేయబోతున్నట్లు మేకర్స్ తాజాగా వెల్లడించారు. దీనికి సంబంధించి ఓ పోస్టర్ కూడా రిలీజ్ చేశారు. భాగ్యశ్రీ నడుముపై మాస్ రాజా ముద్దుపెడుతున్న పోస్టర్ ఈ పాట ఎలాంటి రొమాంటిక్ ఫీల్‌తో రాబోతుందో చెప్పేస్తుంది.
ఇక ఈ పాటను ఆగస్టు 2న రిలీజ్ చేస్తున్నట్లు మేకర్స్ వెల్లడించారు. ‘‘ఈ రొమాంటిక్ పాట మీ ప్లేలిస్ట్‌లో టాప్‌గా నిలుస్తుంది’’ అంటూ మేకర్స్ చెప్పుకొచ్చారు. ఈ సినిమాను ఆగస్టు 15న రిలీజ్ చేసేందుకు చిత్ర యూనిట్ రెడీ అయ్యింది.