నందమూరి నటసింహం బాలకృష్ణ హీరోగా దర్శకుడు బాబీ తెరకెక్కిస్తున్న తాజా చిత్రం కోసం అభిమానులు ఆసక్తిగా ఎదురుచూస్తున్నారు. ఈ సినిమా బాలయ్య కెరీర్‌లో 109వ సినిమాగా తెరకెక్కుతుండటంతో NBK109 అనే వర్కింగ్ టైటిల్‌తో షూటింగ్ జరుపుకుంటోంది. ఇక బాక్సాఫీస్ దగ్గర ఇప్పటికే హ్యాట్రిక్ హిట్ కొట్టిన బాలయ్య, ఈ సినిమాతో తన సక్సెస్‌ను కొనసాగించాలని చూస్తున్నాడు. అభిమానుల అంచనాలకు ఏమాత్రం తగ్గకుండా ఈ సినిమాను దర్శకుడు బాబీ ప్రతిష్టాత్మకంగా రూపొందిస్తున్నాడు.
ఈ సినిమాలో విలన్ పాత్రలో బాలీవుడ్ నటుడు బాబీ డియోల్ నటిస్తున్న సంగతి తెలిసిందే. అయితే, ఈ సినిమాలో బాబీ డియోల్ లుక్‌పై దర్శకుడు బాబీ చాలా శ్రద్ధ తీసుకుంటున్నాడట. బాబీ డియోల్ కోసం ఆయన ఒక స్పెషల్ లుక్ ప్లాన్ చేసినట్లు తెలుస్తుంది. ఈ లుక్‌లో బాబీ డియోల్ చాలా పవర్‌ఫుల్‌గా కనిపిస్తాడని.. అలాగే బాలయ్యతో బాబీ డియోల్ ఫైట్ సీక్వెన్స్‌లు అదిరే లెవెల్‌లో ఉంటాయని టాక్ వినిపిస్తోంది. మొత్తానికి దర్శకుడు బాబీ బాలయ్య కోసం ఈ సినిమాను చాలా పకడ్బందీగా ప్లాన్ చేస్తున్నాడని తెలుస్తోంది. ఇక ఈ చిత్రానికి థమన్ సంగీతం అందిస్తుండగా సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ బ్యానర్లు సంయుక్తంగా ప్రొడ్యూస్ చేస్తున్నాయి.