టాలీవుడ్ స్టార్ హీరో విక్టరీ వెంకటేష్, డైరెక్టర్ అనిల్ రావిపూడి తో ఇప్పటికే ఎఫ్2 మరియు ఎఫ్ 3 చిత్రాలు చేసారు. ఇవి బాక్సాఫీస్ వద్ద సూపర్ హిట్ గా నిలిచాయి. వీరి కాంబినేషన్ లో వస్తున్న మూడో చిత్రం ఇటీవల ప్రారంభం అయిన సంగతి అందరికీ తెలిసిందే. ఈ చిత్రంలో వెంకటేష్ ఎక్స్ కాప్ గా నటిస్తున్నారు. అయితే ఈ చిత్రానికి సంబంధించిన సెకండ్ షెడ్యూల్ ఆగస్ట్ 9 వ తేదీ నుండి పొల్లాచిలో ప్రారంభం కానుంది.
ఈ షెడ్యూల్ లో హీరో వెంకటేష్ జాయిన్ కానున్నారు. ఇప్పటికే వెంకటేష్ తన పాత్రకి సంబందించిన లుక్ షూట్ ను పూర్తి చేశారు. ఈ చిత్రం ఎలా ఉండబోతుంది అనే దానిపై ప్రేక్షకుల్లో, అభిమానుల్లో ఆసక్తి నెలకొంది. ఇక ఈ చిత్రంలో గుంటూరు కారం ఫేమ్ మీనాక్షి చౌదరి మరియు ఐశ్వర్య రాజేష్ లు కథానాయికలుగా నటిస్తున్నారు. ప్రముఖ నిర్మాత దిల్ రాజు ఈ చిత్రానికి నిర్మాతగా వ్యవహరిస్తున్నారు.