టాలీవుడ్ యంగ్ టాలెంటెడ్ హీరోలలో సాలిడ్ పర్సనాలిటీ కలిగిన యువ హీరో అశ్విన్ బాబు కూడా ఒకరు. ఆయన నటించిన తాజా చిత్రం “శివం భజే” నేడు విడుదలైంది. డిఫరెంట్ సబ్జెక్టులతో ప్రేక్షకులను అలరిస్తున్న ఈ యంగ్ టాలెంటెడ్ హీరో, మరో ఎగ్జైటింగ్ ప్రాజెక్ట్‌తో మనముందుకు రాబోతున్నాడు. మెడికో థ్రిల్లర్‌గా తెరకెక్కుతున్న ఈ చిత్రానికి మామిడాల ఎం.ఆర్.కృష్ణ దర్శకత్వం వహిస్తున్నారు. ప్రముఖ నిర్మాణ సంస్థ అరుణశ్రీ ఎంటర్టైన్మెంట్స్ ప్రొడక్షన్ నెంబర్-3 గా రూపొందుతున్న ఈ చిత్రాన్ని నిర్మాత టి.గణపతి రెడ్డి భారీ బడ్జెట్‌తో నిర్మిస్తున్నారు.
నేడు అశ్విన్ బాబు పుట్టిన రోజు సందర్భంగా, చిత్ర యూనిట్ అశ్విన్ బాబుకి పుట్టిన రోజు శుభాకాంక్షలు తెలియజేస్తూ స్పెషల్ పోస్టర్‌ను రిలీజ్ చేసింది. ఈ పోస్టర్ సినిమాపై క్యూరియాసిటీని పెంచింది. ఈ చిత్రంలో అశ్విన్ బాబుకి జోడిగా రియా సుమన్ నటిస్తుండగా అయేషా ఖాన్, మురళీ శర్మ, సచిన్ ఖేడేకర్, అజయ్, వీటివి గణేష్, యెష్నా చౌదరి, సుదర్శన్, షకలక శంకర్, రాఘవ కీలక పాత్రలు పోషిస్తున్నారు.
ఈ చిత్రం హైదరాబాద్, వైజాగ్, కొడై కెనాల్‌లలో 75% షూటింగ్ పూర్తి చేసుకుంది. ఈ సంవత్సరం చివర్లో ప్రేక్షకుల ముందుకి తీసుకొచ్చేందుకు మేకర్స్ ప్లాన్ చేస్తున్నారు. ఈ సినిమాకి టాప్ టెక్నిషియన్స్ పని చేస్తున్నారు. గౌరహరి మ్యూజిక్ అందిస్తుండగా, ఎం.ఎన్ బాల్ రెడ్డి డీవోపీ, విప్లవ్ నైషధం ఎడిటర్. సురేష్(బేబీ సురేష్) ఆర్ట్ డైరెక్టర్‌గా పని చేస్తున్నారు.
ఇక ఈ చిత్రానికి సంబంధించిన సాంకేతిక నిపుణుల వివరాలు.
స్టోరీ – స్క్రీన్ ప్లే – డైరెక్షన్ : మామిడాల ఎం.ఆర్.కృష్ణ, నిర్మాత : టి.గణపతి రెడ్డి, లైన్ ప్రొడ్యూసర్: టి బద్రినాధ్ రెడ్డి, బ్యానర్: అరుణశ్రీ ఎంటర్టైన్మెంట్స్, డీవోపీ : ఎం.ఎన్ బాల్ రెడ్డి, మ్యూజిక్ : గౌరహరి (హను-మాన్ ఫేమ్), ఎడిటర్ : విప్లవ్ నైషధం, ఫైట్స్ : పృథ్వి, ఆర్ట్ : సురేష్ (బేబీ సురేష్), ఎగ్జిక్యూటివ్ ప్రొడ్యూసర్ : దుర్గేష్, కో-డైరెక్టర్ : యూ.కృష్ణ కిషోర్, పీఆర్వో : తేజస్వి సజ్జా