కోలీవుడ్ స్టార్ యాక్టర్ కార్తీ వరుస చిత్రాలు చేస్తూ బిజీగా ఉన్నాడు. చివరిసారిగా ఈ నటుడు జపాన్ చిత్రంలో కనిపించాడు. ఈ చిత్రం బాక్సాఫీస్ వద్ద ఆశించిన ఫలితాన్ని అందుకోలేదు. ఈ నటుడు చేస్తున్న చిత్రాలలో సర్దార్ 2 చిత్రంపై అందరిలో ఆసక్తి నెలకొంది. సర్దార్ చిత్రం బాక్సాఫీస్ వద్ద మంచి వసూళ్లను రాబట్టింది. ఇప్పుడు ఈ చిత్రం నుండి ఇంట్రెస్టింగ్ అప్డేట్ ను మేకర్స్ నేడు రిలీజ్ చేశారు.
మాళవిక మోహనన్ ఈ చిత్రంలో కీలక పాత్రలో నటిస్తున్నట్లు తాజాగా వెల్లడించారు మేకర్స్. సరికొత్త పోస్టర్ ను కూడా రిలీజ్ చేశారు. ఈ పోస్టర్ లో తను ఎంతో అందంగా కనిపిస్తుంది. తన పాత్రకి సంబందించిన వివరాలను ఇంకా వెల్లడించలేదు. ఈ చిత్రంలో మాళవిక నటిస్తుండటం పట్ల చిత్ర యూనిట్ సంతోషం వ్యక్తం చేస్తోంది. పీ.ఎస్ మిత్రన్ దర్శకత్వంలో తెరకెక్కుతున్న ఈ చిత్రంలో ఎస్.జే. సూర్య కీలక పాత్రలో నటిస్తుండగా, యువన్ శంకర్ రాజా సంగీతాన్ని అందిస్తున్నాడు.