పవర్ స్టార్ పవన్ కళ్యాణ్ హీరోగా నటిస్తున్న లేటెస్ట్ చిత్రాల్లో తన ప్రతిష్టాత్మక చిత్రం “హరిహర వీరమల్లు” కూడా ఒకటి. మరి పవన్ నుంచి అనౌన్స్ అయ్యిన మొదటి పాన్ ఇండియా సినిమా ఇది కాగా భారీ హైప్ నెలకొంది. అయితే ఈ చిత్రం ఎప్పుడు నుంచో షూటింగ్ జరుపుకుంటుంది కానీ ఇంకా పూర్తి కావాల్సి ఉంది. మరి ఈ షూట్ కోసం ఇంకా పవన్ డేట్స్ ఇవ్వాల్సి ఉండగా మిగిలి ఉన్న షూటింగ్ పవన్ ఎప్పుడు డేట్స్ ఇస్తే అప్పుడు మొదలు కానుంది.
ఇక దీనితో పాటుగా ఈ చిత్రాన్ని మేకర్స్ ఈ ఏడాది లోనే రిలీజ్ అంటూ ఫిక్స్ చేసిన సంగతి తెలిసిందే. అయితే ఈ రిలీజ్ పై లేటెస్ట్ స్ట్రాంగ్ బజ్ వినిపిస్తుంది. దీనితో ఈ చిత్రం మాత్రం ఈ ఏడాదిలోనే రిలీజ్ కి తీసుకొచ్చే ప్లానింగ్ లోనే ఉందని తెలుస్తుంది. డిసెంబర్ మొదటి వారంలో ఈ చిత్రాన్ని తీసుకొచ్చే ప్రయత్నాలు చేస్తున్నట్టుగా టాక్. ఇలా ఇంకా ఈ ఏడాది రిలీజ్ కే ఈ భారీ చిత్రం వచ్చే ఛాన్స్ ఇంకా ఉందని చెప్పాలి. ఇక ఈ భారీ చిత్రానికి ఎం ఎం కీరవాణి సంగీతం అందిస్తుండగా మెగా సూర్య ప్రొడక్షన్స్ వారు నిర్మాణం వహిస్తున్నారు.